Ассалому алайкум бобои Эшони Нуриддинчон Худо нигахбонатон бод суол насрони ё яхуди ё гайри дини ислом ба чаннат медароян ё на агар ичозат бошад бо хадису оятхои Куръон чавоб гардонед як одам мегуяд аз мо точикхо русхо юисёр чаннат медароян ва барои мо чоям нест дар чаннат пур шудаги мегуяд ин суолро илтимос чавоб гардонед ман нишон тиям ба у Худо нигахбон

Ва алайкумуссалом  ва раҳматуллоҳ

Бародари исломӣ, аввалан мехоҳам гуям, ки он шахсе, ки ба шумо гуфтааст ҷаннат пур шудааст ва барои мо ҷо нест (валъиёзу биллоҳ) ба ин гуфтааш аз дин берун шудааст. Агар ба Худо имон дошта бошад аз ин гуфтааш тавба намуда, дубора калимаи шаҳодатро гуяд ва илло беимон ҳисоб аст.

Аммо дар мавриди саволатон бошад, ғайр аз мусалмон ҳеҷ кас ва ҳеҷ дин ҳақ нест ва ҳаргиз вориди ҷаннат нахоҳанд шуд. Қуръон сартопо пур аз далел дар ин мавзуъ ҳастанд. Аз ҷумла Худованд гуфтааст: “Ҳар касе, ки ҷуз ислом дини дигареро бипазирад ҳаргиз аз у қабул намешавад ва у дар охират аз ҷумлаи зиёнкорон аст”. Худованд низ фармудааст: “Ҳамоно ононе, ки кофир шуданд аз аҳли китоб (яъне яҳудӣ ва масеҳӣ)  ва мушрикон дар оташи дузах ҷовидон хоҳанд монд”. Пас бидуни шак ҳар касе ҷуз ислом диёнати дигаре дошта бошад, он диёнати у ботил ва у аз аҳли ҷаҳаннам хоҳад буд. Дар паноҳи Аллоҳ бошед.

салом бобои эшон. як суол дорам. ое хамаи шиахо дар вакти хама корашон йо алй мегуянд, ва онхо мегуянд ки хазрати Чабраил вахии пайомбарииро бояд ба али меовард (наузубиллох). ое хамин суханро мегуфтагихоро мешавад кофир гуфт? дар хакки мо мухлисони шумо дуо кунед.

Ва алайкумус салом ва раҳматуллоҳ.

Бародари исломӣ ҳар касе, ки чунин эътиқод дошта бошад, ки Ҷабраил дар расондани рисолати илоҳӣ иштибоҳ кард, кофир мешавад. Зеро у ба ин гуфтааш сарчашмаи шариати исломро латма задааст. Дар бораи ин, ки ҳамаи шиаҳо дар ҳама корашон (Ё Алӣ) мегуянд ман маълумот надорам. Вале гуфтани ин калимаи ба ҳадафи мадад хостан аз ғайри Аллоҳ ҷоиз нест. Худованд ҳамаи шуморо нигаҳбон бошад.

асалому алайкум бобои Эшони Нуриддинчон Худо хамеша нигахбонатон бод ман як суол доштам ман бисер фикр мекунам Худо чихел бошад ва чихел зебо бошад замину осмонро дида хайрон мешам Худо бе мислу бе монанд мегуем ое даст дораду дигархелми чашм дораду сохташ дигархелми намедонам чихел фикр кунам охир фикр накунам гум хар чизеро мебинам Худо едам меояд ман аз ин акида чи кор кунам намедонам чизе нависам ое хархел фикр зиен меорад чандбор навистам посух нагирифтам хамин суоли манба посух тед бе саброна мунтазири шумо хастам аз номи Абдурахмон аз ш.Исфара бисер бахшиш агар хатоги вучуд дошта бошад

Ва алайкумус салом ва раҳматуллоҳ.

Бародари исломӣ шумо кушиш кунед чунин фикрҳоро аз саратон берун кунед. Худо қиёсшаванда нест. Худованд мислу монанд надорад. Пас набояд шумо дар атрофи чунин чизҳо фикр кунед. Фақат махлуқоти Худоро дида бузургии Худоро тасаввур кунед. Худованд шуморо аз ин васвасаҳо нигоҳ дорад.

assalomu alaykum va rahmatullohi va barakotuh Khudovand dar quron farmuddast ki (innaloha la yaghfiru ay yushraka bihi va yaghfiru mo duna zalika limay yasho(Surah Niso )) Oyo khudovand to abad Shirkro namebakhshad ? mekhostam anvoi shirkro mefarmuded dar amoni khudo boshed

Ва алайкумус салом ва раҳматуллоҳ

Ширк яке аз гуноҳҳони бузурге аст, ки Худованд дар Қуръон гуфтааст, ки ҳамаи гуноҳонро мебахшад, ғайр аз ширк. Зеро дини Ислом маҳз барои нобудии ширку бутпарастӣ омадааст. Хулоса ширк ду навъ мешавад; ширки акбар ва ширки асғар. Навъи ширке, ки Худованд намебахшад ширки акбар аст. Аз ҷумлаи ширки акбар аз мурдагон кумак ва мадад хостан ва хулоса ғайр аз Худоро дар корҳои марбути Худованд ҳамчун мададгор донистан аст. Агар ба шарте, ки шахси ширковаранда қабл аз марг аз гуноҳаш тавба кунад ва роҳи яктопарастӣ ва тавҳидро пеша кунад, иншоаллоҳ Худованд уро мебахшад. Аммо агар ба чунин эътиқод бимирад Худованд уро ҳаргиз нахоҳад бахшид.

assalomu alaykum va rahmatullohi va barakotuh Khudovand dar quron farmuddast ki (innaloha la yaghfiru ay yushraka bihi va yaghfiru mo duna zalika limay yasho(Surah Niso )) Oyo khudovand to abad Shirkro namebakhshad ? mekhostam anvoi shirkro mefarmuded dar amoni khudo boshed

Ва алайкумус салом ва раҳматуллоҳ

Ширк яке аз гуноҳҳони бузурге аст, ки Худованд дар Қуръон гуфтааст, ки ҳамаи гуноҳонро мебахшад, ғайр аз ширк. Зеро дини Ислом маҳз барои нобудии ширку бутпарастӣ омадааст. Хулоса ширк ду навъ мешавад; ширки акбар ва ширки асғар. Навъи ширке, ки Худованд намебахшад ширки акбар аст. Аз ҷумлаи ширки акбар аз мурдагон кумак ва мадад хостан ва хулоса ғайр аз Худоро дар корҳои марбути Худованд ҳамчун мададгор донистан аст. Агар ба шарте, ки шахси ширковаранда қабл аз марг аз гуноҳаш тавба кунад ва роҳи яктопарастӣ ва тавҳидро пеша кунад, иншоаллоҳ Худованд уро мебахшад. Аммо агар ба чунин эътиқод бимирад Худованд уро ҳаргиз нахоҳад бахшид.

assalomu alaykum va rahmatullohi va barakotuh Khudovand dar quron farmuddast ki (innaloha la yaghfiru ay yushraka bihi va yaghfiru mo duna zalika limay yasho(Surah Niso )) Oyo khudovand to abad Shirkro namebakhshad ? mekhostam anvoi shirkro mefarmuded dar amoni khudo boshed

Ва алайкумус салом ва раҳматуллоҳ

Ширк яке аз гуноҳҳони бузурге аст, ки Худованд дар Қуръон гуфтааст, ки ҳамаи гуноҳонро мебахшад, ғайр аз ширк. Зеро дини Ислом маҳз барои нобудии ширку бутпарастӣ омадааст. Хулоса ширк ду навъ мешавад; ширки акбар ва ширки асғар. Навъи ширке, ки Худованд намебахшад ширки акбар аст. Аз ҷумлаи ширки акбар аз мурдагон кумак ва мадад хостан ва хулоса ғайр аз Худоро дар корҳои марбути Худованд ҳамчун мададгор донистан аст. Агар ба шарте, ки шахси ширковаранда қабл аз марг аз гуноҳаш тавба кунад ва роҳи яктопарастӣ ва тавҳидро пеша кунад, иншоаллоҳ Худованд уро мебахшад. Аммо агар ба чунин эътиқод бимирад Худованд уро ҳаргиз нахоҳад бахшид.

Ассалом алейкум бобои Эшон. Куръон махлук аст ё гайри махлук????

Ва алайкумус салом ва раҳматуллоҳ.

Қуръони карим китоби Худованд аст. Олимони аҳли суннат эътиқод ба он доранд, ки Қуръони Карим на махлуқ аст ва на холиқ. Балки Қуръон каломи Худованд аст.  Имом Байҳақӣ гуфтааст, ки аз Муҳаммад ибни Саид Ассобиқ ривоят аст, ки гуфтааст: Аз Абуюсуф (шогирди имом Аъзам) пурсидам; Оё имом Абуҳанифа эътиқод бар он дошт, ки Қуръон махлуқ аст? Абуюсуф гуфт: «Худо паноҳ диҳад! На ман ва на Абуҳанифа чунин эътиқод надорем». Имом Аҳмад мегуяд, ки ҳар касе эътиқод бар он дошта бошад, ки  Каломи Худо махлуқ аст, кофир мешавад. Худованд паноҳ  диҳад.

ESHONI NURIDDINJON AZ SHUMO HOISH DAR BORAY DINI BAHOI YAK TASVIR DIHED. DAR SHAHRI HITOY BISEYORI TOJIKOI MO AY IMON DYRAN AY ISLOM DUR SHIDIYAN,ILTIMOS ESHONI NURIDDINJON.

Ва алайкумус салом ва раҳматуллоҳ.

  Баҳоият як дини ихтироъ карда шудаааст, ки дар пушти он дастҳои истеъморгарони инглиси он вақта меистанд. Ин оинро як нафар бо номи Ҳусайналӣ, ки лақабаш “баҳо” буд, ихтироъ кардааст. Хусейналӣ дар рустои Нур и минтақаи Мозандарони Эрон ба дунё омадааст.  Ин шахс худашро паёмбар эълон кард ва гуё бо омадани вай шариати ислом дигар бекору мансух шуда аст. У муддате ба ин иддои худ монда, сипас ба он басанда накарда мудаъии улуҳият шуд. Ба ин маъни, ки вай руҳи Худо дар руи замин аст ва тамоми паёмбаронро гуё худи вай ба дунё фиристода аст. Дар ин ҷо ба таври хулоса умдатарин идеологияи баҳоиятро баён медорем:

 1)Ҳамаи динҳо динҳои саҳеҳ буда, Таврот ва Инҷил таҳриф нашудаанд ва хотимаи динҳо баҳоият мебошад.

 2)  Муътақид ба таносухи коинот ҳастанд ва подошу ҷазоро дар рузи қиёмат марбут танҳо ба руҳ медонанд на ба ҷисм.

 3) Буддо, Конфуси, Браҳма ва Зардушт ва тамоми ҳакимон дар Ҳинд, Чин ва Форсро паёмбар медонанд.

4) Ҷамиъи ибодатҳои исломиро қабул надошта, дар назди онҳо намоз фақат 9 ракаат аст ва қиблаашон Акко мебошад, ки дар Исроил воқеъ аст.

 5) Мункири муъҷизаҳои паёмбарон ва фариштагон ва ҷинҳо мебошанд ва ҷаннату дузахро инкор мекунанд.

 6)  Муътақиданд, ки баҳоият бо омаданаш дини исломро бекор ва насх кардааст.

 7) Издивоҷро инкор мекунанд ва муътиқиди баробарии зану мард ва озодии ҷинсӣ байни зану мард ҳастанд. Яъне дар ақидаи онҳо ҳар зану мард озодона метавонанд бо ҳар кассе, ки бихоҳанд робитаи ҷинсӣ дошта бошанд.

 Акнун ба фатвои ҳамаи олимони ислом дар масъалаи ақидаи баҳоият мепардозем.

 Ҷамиъи уламои ислом иттифоқ бар ин доранд,ки дини баҳоӣ як дини ботил ва бофташудаи ғарб барои заиф кардани мусалмонон мебошад ва ҳар кассе, ки эътиқод ба ин дин дорад аз ислом берун ва кофир аст. Дар пушти таъсиси ин дини ботил дасти душманони ислом ба хусус яҳудиён меистад. Дар ин бора зиёде аз пажуҳишгарон навиштаанд.

asalomu alakum dumuloi shirin sukhan eshoni nuridinjon man baroishumo ykdu savol doram mekhoham bosavoliman javobi pura gardoned junki insavol baroi manham shud dar in bora jizeguftan natonistam savol aval. bayni suniu shia jifarqdorad bad mo ahli sunat oyo shiahoro barodar gufta metonem yinki ne .duvum ,ibnitaymiyaro ki yke azolimhoi islom ast hamin gab haqiqatdoradmi ki qavmi hamon vaqta ibni taymiyaro kofir guftaand oyo inrost hast ye, man intizori javobi in savolhoro intizoram.iltimos javob dihed .

Ва  алайкумуссалом ва рахматуллоҳи ва баракотуҳ!

 Бародари исломӣ байни суннӣ ва шиъа фарк дар масъалаи усул дар имомат аст ва дар дигар масъалаҳои усул онҳо бо мо ҳамакида ҳастанд. Дар масъалаҳои фуруъ ҳам баъзе ихтилофот байни мову мазҳаби ташайуъ ҷой дорад. Аммо масъала он аст, ки имруз уммати исломӣ эҳтиёҷ ба канорагирӣ аз ҳар навъ ихтилофот дорад. Зеро ин уммат имруз сахттарин рузгори худро пушти сар карда истодааст. Шумо худатон шоҳиди чангҳои салибии ин замона ҳастед, ки чи кадар бар зидди мусалмонон накшаву макрҳои шум мекашанд.Охир магар ин уммат дигар коре надорад, ки дунбол он равад. Дигар мушкилот надорад, ки чунин масъалаҳоро ба руяш мекашанд.Ман борҳо гуфта будам, дар хутбаи ҷумъа, ки ман чуноне,ки як бародари ҳанафии ҳамхуни мо ба мазҳаби дигари аҳли суннат гаравад, безорам инчунин аз он ҷавони тоҷике, ки шиа шудааст,безорам.Ҳадафи мо танҳо дар ин замони сахттарин барои уммати ислом бедории руҳияи исломии ҷавононамон ва ҳифзи иффати занонамон ва ғайра аст. Гузашта аз ин мо пайравони акидаи Абуҳанифа эътикод бар он дорем, ки аҳли кибларо кофир гуфта намешавад. Чуноне, ки худи имом Аъзам инро гуфтааст. Шиаъ ҳам аз аҳли кибла ҳаст.

Дар бораи бародар гуфтани шиаҳо ҳаминро мегуям, ки Куръони карим кавми Одро, ки кофир буданд ва аз байнашон Ҳудро фиристод, калимаи “ах” яъне бародарро истифода бурда чунин мефармояд; (Ва бар кавми Од бародарашон Ҳудро фиристодем) Бубинед Куръон бар кавми Од, ки кофир буданд Ҳудро бародарашон гуфт. Чи гуна мо наметавонем бар шиъ ин ибораро истифода барем ва ҳоло он, ки онҳо ба худову, паёмбару Куръони мо имон доранд. Агарчи дар баъзе масъалаҳо ихтилоф дошта бошем ҳам.

Аммо дар бораи шайхулислом Ибни Таймия бошад, чунин суханҳо дар ҳакки вай туҳмат аст. Вокеан Ибни Таймия яке аз олимони машҳури аҳли суннат аст, ки соҳиби муаллафот ва китобҳои ба шуморе ҳаст. Дар бораи Ибни Таймия Ибни Ҳаҷари Аскалонӣ чунин гуфтааст; “Бар алайҳи баъзе афкори Ибни Таймия ҷамоате аз олимон бархоста онро рад кардаанд. Аммо дар таърих аз ҳеч кадоми ин олимон ёд нашудааст, ки Ибни Таймияро ҳукм ба куфр карда бошанд ва ё ҳукм ба рехтани хунаш бароварда бошанд бо вуҷуде, ки нафарони мутаассиб бар зидди вай буданд”. Беҳтарин суханро дар мавриди Ибни Таймия алломаи ҳанафӣ Абдулҳай Лакнавӣ дар ҳошияи китобаш “Аннофиулкабир” гуфтааст; “Мардумон дар асри мо перомуни Ибни Таймия ба ду даста таксим шудаанд.Гуруҳе дар кабули афкори Ибни Таймия зиёдарави ва муболиға карданд. Ҳатто раъйи уро мисли ваҳйи осмонӣ кабул карданд, агарчи мухолифи раъйи ҷумҳури олимон бошад. Гуруҳи дигаре уро ба сабаби баъзе аз мухолифтҳое, ки бо ҷумҳури олимони аҳли суннат доштааст, аз аҳли суннат хориҷ медонанд. Аммо ман (яъне Абдулҳай Лакнавӣ) дар миёни ин ду тоифа ҳастам.Дар мавриди ибни Таймия он чизеро мегуям, ки имом Заҳабӣ гуфта буд; Ибни Таймия олими беназир, баҳре аз илм ва шайхулислом аст. Аммо бо вуҷуди ин у низ мисли мо башар аст, ки дар вай эҳтимоли гуноҳ ва хато ҳаст. Пас бояд инсони мусалмон забонашро за бадгуии ин олими бузургвор нигаҳ дорад. Дар гуфтаҳояш бо диккат назар кунад. Агар дуруст бошад онро кабул кунад ва агар на бидуни бадгуӣ онро канор гузорад”. Сухани мавлоно Абдулҳай инҷо тамом шуд. Саҳ.39. Оре бародарони исломӣ хеҷ вакт забонатонро ба бадгуии олимон одат накунед! Ибни Таймия олим ва шайхулислом буд. У муҷтаҳид буд. Муҷтаҳид агар дар фатвои худ хато кунад як аҷр мегирад ва агар дуруст бошад соҳиби ду аҷр мешавад. 

asalomu alekum boboi eshon khudo shumoro va barodarotona nigah dorad man yk tolib ilm mekhoham basavoli man javob dihed shiara kofir guftan durust ast yo ne ckandin odamora guftem megun kofiran bopuragi az kuronu sunat javob dihed man yke az avlodonu mukhlisoni shumo ddar

Ва Алайкумус салому ва раҳматуллоҳ

Бародари исломи, зиёде аз олимони муосирро дар ин бора пурсиданд. Аз чумла доктор Рамазон Бути чунин гуфтааст: Шиа аз ҷумали фирқаҳои исломи аст. Такфир (яъне кофир ълон кардани ) онҳо ҷоиз нест. Аммо ин, ки мегуянд онҳо саҳобаро дашном медиҳанд дар ин масъала кассе, ки дашноми саҳобаро мекунад фосиқ мебошад на кофир . Баробар аст ҳамон дашномдиҳанда шиа бошад ё сунни.

Олимони гузаштаи аҳли суннат дар масъалаи такфир хеле эҳтиёт мекарданд. Ҳеҷ касро то собит шудани далели қатъи ҳукм ба куфр намекарданд. Имом Аъзам низ дар робита ба такфир чунин гуфтааст; “Ҳеч яке аз аҳли қибларо ҳукм ба куфр намекунем”.

Assalomu alleykum eshoni buzurgamon Nuriddinjon. Man yak savole doram mehoham javobashro az shumo bigiram. Boboi Eshon in savolro gued ki farkiyat bayni Salafi va Hanafi dar chist ki Imruz dar Tojikistonamon Salafihoro ganda mebinand va ba zindon mekashan vа Mazhab doshtan hatmiast dar Islom zero ki bisyor shahsoni marifatro medonam ki mazhb nadorand takya ba Quronu sunnat mekunand hamina javobashro ba injo navised!

 Assalomu alleykum va rahmatullohu va barakotuh.

Ва алайкумуссалому ва раҳматуллоҳи ва баракотуҳ!

Бародари исломӣ салафиҳо мисли мо як тоифаи исломӣҳастанд. Фаркият байни мову онҳо дар баъзе масъалаҳои фаръӣ аст. Аммо дар умум мо такрибан муттафикем. Аммо аз он, ки гуфтед имруз салафиҳро ба зиндон мекашанд ман ҳам нороҳат ҳастам. Бояд бо ин ҷавонҳо аз роҳи гуфтугу ва нисиҳат ва дигар роҳҳо  пеш гирифта мешуд на ин, ки зиндони карда шаванд. Ман ҳеч вакт тарафдор нестам, ки як бародари мусалмон ба маҳзи эътикодаш ба зиндон кашида шавад. Зеро ин роҳи ҳал нест. Аммо дар масъалаи мазҳаб доштан, оре бародари азиз барои мову шумо мазҳаб доштан ҳатмист. Он касонеро, ки гуфти мазҳаб надоштанд онҳо худ олим ва муҷтаҳид ҳастанд Ҳоло вакте, ки ба марҳилаи онҳо расидӣ дар илму фикҳи исломӣ он вакт метавонӣ мазҳаб надошта бошӣ.

Худованд нигахбонат бошад дохии чонфидо дар рохи Худо ва хакикатгу. Кош дар Точикистон ба мисли Шумо акалан 10 нафар пайдо мешуд.

 Бобочон аз Шумо саволеро пурсонам.

Шахсе ба назди кабри бузурворе рафта аз у талаби шифо мекунад, Оё уро кофар метавон хонд? Агар не хукам чист?

Ва алайкумуссалом ва раҳматуллоҳ

Бародари исломӣ Олимони исломӣ дар масъалаи такфир хеле эҳтиёт мекарданд. Бедалелу мадрак ва шавоҳид касеро ҳукм ба куфр намекарданд. Бинобар ҳамин фикри ман дар чунин масъала ин аст, аввал он шахсро бояд бо далелу санад фаҳмонид, ки ин кори вай дар шариат ширк аст. Бояд инсон шифоро аз Худо талаб кунад на аз мурдагон... Вақте, ки он шахс ин суханонро қабул накунад сипас мешавад уро ҳукм ба куфр кард.

АССАЛОМУ АЛАЙКУДОМУЛЛОИ МУХТАРАМ.  Ман бо марде кор мекардам  вай намоз мехонду ва пеш аз намоз хондан 50 грамм арак мехурд  ва ман бар ваи мекуфтам  ки интавр накунед нахо одам пеш аз намоз арак нушад ва намоз хонад ваи бар ман гуфт ту аз гучо медони арак ним соат пас буг мешавад ва намоз хони мешавад , худованди карим бо ин хел одамхо чи хел рафтор мекунад дар рузи киемат  хаир бобои эшони дар панох худо бошед

Ва алайкумуссалом ва раҳматуллоҳ

Бародари исломӣ, Худованд шуморо нигаҳбон бошад. Агар ҳамон шасхи арақнуш ҳамон арақхуриашро ҳалол донад кофир шудааст. Агар зан дошта бошад никоҳаш бо вай бурида аст. Аммо агар ҳалол надонад у фосиқ аст эҳтимоли дарафтодан дар азоби дузах бар вай аст. Аз тарафи дигар ин рафтори вай як навъ ба тамасхур кашидани дин аст, ва тамасхур ба дин куфр аст. Охир чи гуна инсон дар ҳоли омодагӣ ба ибодати Худованд кореро мекунад, ки Худо онро шадидан маҳкум кардааст?! Шумо додари азиз вайро насиҳат кунед, ки аз ин роҳаш баргардад ва илло гирифтори оташи дузах мегардад. Худованд паноҳ диҳад.

Бобои Эшон, Худо нигахбони Шумо Сахюнист аз яхуд  чи фарк дорад?

Саҳюн номи як куҳе аст дар сарзамин Фаластин, ки онро куҳи Довуд низ мегуянд. Дар шаҳри Кудс воқеъ аст. Яҳудиён мувофиқи китобҳои таҳрифшудаашон эътиқод бар он доранд, ки бояд Масҷиди Ақсо вайрон карда шавад ва баҷояш ҳайкали Сулаймон бино шавад. Пас аз он Исо ба замин фаромада ҳама мардуми ғайри яҳудиро ба қатл мерасонад ва ё ғуломи яҳудиён мекунад. Яҳудиён худро халқи ихтиёркардаи Худо ва беҳтарин халқи Ӯ медонанд. Бинобар ҳамин онҳо мардуми ғайри яҳудиро "ҷентел" мегуянд. Дар эътиқодоти яҳуд ғайри аз насли яҳуд дигар мардумон говону сагони яҳудиён мебошад. Аммо Худо онҳоро ба суратиодам халқ кардааст. ки дар хидмати Яҳуд бошанд.

Ҳаракати Саҳюнӣ як ҳаракати динии ифротӣ мебошад, дар соли 1882 аз тарафи падари руҳии яҳудиён Ҳертзел таъсис ёфтааст. Онҳо аз ҳамон замон ба фикри таъсиси давлати динии Исроил буданд. Бинобар ҳамин дар соли 1948 бо ёрдами кишварҳои ҳамчун Британия ва Амрико сарзамини Фаластинро ғасб карда ҳазорон нафар мардуми мусалмони он минтақаро куштанд ва иддае дигареро аз ватани аҷдодиашон берун карданд.  Яҳудиён барпо шудани давлати Исроилро як амри илоҳӣ меҳисобанд. Онҳо даъво доранд, ки сарзамини онҳо аз дарёи Нил шуруъ шуда то соҳилҳои дарёи Фурот дар Ироқ мерасад. Яъне ба ин мазмун шаҳри Мадинаи Мунаввара низ зимни нақшаи ояндаи Яҳудиён аст. Шумо агар ба парчами Исроил назар кунед дар  ду паҳлуи он ду хатти кабуд аст, ки маънои ду дарёи бузурги шарқ яъне Нил ва Фуротро дорад.

Хулоса бародари исломӣ, саҳюнистҳо як ҳаракати хатарноке дар олами имруза ҳастанд, ки ҳадафи асосии онҳо нобуд сохтани аввалин қиблаи мусалмонон масҷидулақсо аст ва ҳадафи дигари онҳо ба ҳар роҳу васила нобуд ва аз байн бурдани дини ислом аст. Аммо онҳо ормонҳояшон бо худашон ба хок хоҳанд бурд. Зеро вориси ин дин Аллоҳ аст ва худ ҳимоятгари он аст.

Ассалому алейкум ва рахматуллох  домуллои мухтарам!

Мо соли гузашта ба Тайланд ба сафари хизмати рафта будем. Мардуми ончо хама будпарастанд.  Дар он чо мо ба касри будпарастон рафтем ва мардуми зиёди гумрохе, ки ба будхои гуногун сачда мекарданд дидем, дидани хамаи ин гунох аст?

Ва алайкум салому ва раҳматуллоҳ.

Хоҳари исломӣ,  Худованд шуморо нигаҳбон бошад. Агар шумо барои тамошои маъбади будпарастон маҷбур будед, ки бояд биравед,  дар ин ҳолат боке надорад. Вале баъзе олимон мегӯянд, ки  дидан кардан аз ҳамон ҷойҳо агар ба қасди ибрат гирифтан ва Худоро шукр гуфтан бошад, ки Худо моро чунин гумроҳнакардааст, ки он чизеро, ки инсон бо дасти худ сохтааст Худо гуфта парастиш кунад. Ба қасди шукргузории Худованд бошад, ки моро мусалмон халқ кардааст, боке надорад. Аммо беҳтар  инаст, ки аз рафтани чунин маконҳо беҳудаву ба ҳадафи тафриҳ  худдорӣ кунем. Худованд нигаҳбонат.

Assalomu alaykum harati eshoni Nuriddinjon suole hast jovobi bahsonashudast? oyo mokasero kofir gufta metonem?

Ва алайкум салом ва раҳматуллоҳ.

На бародари исломӣ то ин, ки далели қатъӣ ва ошкор надошта бошӣ чунин гуфта наметавонӣ. Зеро масали такфир хеле масъалаи нозук аст. Зеро Паёмбари Худо ҳушдор додааст, ки касе як бародари исломиашро кофир садо кунад модоме, ки далел надошта бошад пас худи у кофир мегардад. Бинобар ин бародарони азиз дар ин масъала хеле эҳтиёт кунед. Зеро сабаби зиёде аз фитнаҳо аз ҳамин масъалаи якдигарро такфир кардан оғоз мешавад.

Салому алекум ва раҳматуллоҳи ва баракотуҳу

 Пеш аз ҳама аз Худованд талаб дорам ки шумо ва аҳлу оилаатонро сабаби пирузии ислом ва мусулмонон гардонад ва аз Худованд талаб дорам ки дар ивази ҳамаи ин хидматҳову ҷонфидоиҳои шумо ба хотири ислом ҷаннати фирдавсро насибатон гардонад. Омииин

 Устоди бузург! Худоро шоҳид мегирам ки ман шуморо ба хотири у дуст медорам, ва эҳтиром мекунам.

 Устоди бо номуси ман! мудати чандин вақтҳо аст ки мо донишчуён дар сомонаҳои мухталифи тоҷики мебинем ки шиъаҳо аз номи шумо ва хонаводаатон бо дигар фирқаҳои аҳли суннат муноқашаҳо карда масъалаҳоро чунин вонамуд месозанд ки гуё шумо сад дарсад ҳамфикру тарафдори фикраҳои онҳо мебошед, ва сарфи назар ҳарки набошад агар бо онҳо дар камтарин масъала мухолифати кунад уро бо ваҳобият ва ё бо салафият итиҳом карда ба у мегуянд ки (сухани бобои эшон ё шумо ва ё устод Маҳмудҷонро мисол меоранду мегуянд ки бароятон басанда аст яъне чунин вонамуд мешавад ки тамоми мухолифонашонро бо суханҳои шумо ва дигар устодони ин оила муноқаша мекунанд.

 Ба ҳамин хотир аз шумо ва дигар уламои бо номусамон бо камоли эҳтиром хоҳиш менамоем ки эълон кунед ки  бигузор на бародарони аҳли суннат ва на шиъаҳо дар сурате ки худи шумо ширкат намеварзед шуморо дар ин гуна баҳсҳо ва муноқашаҳо ҳамроҳ  накунанду аз суханҳоятон мисол бизананд, чунки бисёриҳое ҳастанд ки фикр мекунанд худи шумо фикратонро иброз дошта истодаед, ва ман фикр мекунам ки ин як фитнаи бузурге ҳаст ки бо сабабаш манзилату эҳтироми уламоро поимол мекунанд.

 Бори дигар дуо мекунам ки Худованд умратонро дароз кунаду шуморо барои мо дар паноҳаш нигаҳбон бошад

Ва алайкум салом ва раҳматуллоҳ.

Бародари исломӣ. ҳеч кас чунин ҳақро надорад, ки аз номи як каси дигар ва бо истифода аз обруи каси дигар чунин суханбофӣ кунад. Зеро аз назари шариат чунин амал дуруст нест. Дар замонҳои гузашта аз номи Паёмбар (алайҳиссалом) ҳадисҳои дуруғ ва ба манфиати худашон мебофтанд. Аммо Худованд, ки кафолати ҳифозати ин дин худаш ба душ дошт, аз чунин олудагиҳо ин дини муқаддасро пок нигоҳ дошт. Аввалан ин, ки ман ба шумо як чиз гуфтанӣҳастам. Шахси оқил вақте, ки бар вай сухани касеро ҳуччат меоранд дарҳол масдару решаи онро мепурсад, ки дар кучо гуфта шудааст ва аз куҷо мешавад ба он дастрасӣ дошт. Сониян сухани ҳар шахсе чи ман бошам ва чи ягон олиму донишманди бузург қобили ахзу радд аст. Аммо ягона сухане, ки қобили ахзу рад нест ин сухани Паёмбари Худо аст. Бинобар ҳамин беҳтарин ҳуҷҷат ин Қуръон ва суннат аст.

Ассаллому алайкум бобои эшон. Аввалан ба Шумо тани сиҳат ва умри бо баракатро орзумандам. Худованд душманҳои Шуморо ҳидоят кунад ва агар мавриди ҳидоят қарор нагарданд - хору залилшон гардонад. Аз Шумо эҳтиромона хоҳиш менамоям, ки ба саволи ман ҷавоб гардонед. Савол : Одами мусалмоне, ки дар мавҷуд будани малоикаҳо шубҳа дорад ва мегуяд, ки :" ҳангоми ба ҳамаи чиз қодир будани Худованди таъоло, чи эҳтиёҷу зарурат аст ба малоикаҳо?" ҳукмаш чист? Илтимос ҳар чи зудтар ба ҳамин савол бо далелҳои бисёртар дар ҳамин сомона ҷавоб гардонед.Ташаккури зиёд бобои эшон. Худованд нигаҳбонатон бошад.

Ва алайкумус салом ва раҳматуллоҳ.

 Шахсе бар мавҷуд будани малоика шубҳа кунад кофир мешавад. Зеро вай яке аз усулҳои асосии имонро, ки имон ба малоикаҳост инкор кардааст. Аммо шахсе агар шубҳа дар ин кунад, ки чаро Худованд бо вуҷуди қудраташ ба ҳама чиз малоикаҳоро офарид?... бояд он шахсро дар аввал фаҳмонида шавад, ки ин пиндор хато аст. Худованд бар ҳамаи чиз қодир аст. Худованд қодир буд, ки замину осмонҳоро дар як лаҳза ба гуфтаи калимаи «бишав» «пас пайдо мешавад» халқ кунад. Вале Худованд дар Қуръон мегуяд, ки замину осмонҳоро дар шаш руз офарид. Ин ҳикматҳое аст, ки Худованд донои онҳост. Ба ҳар ҳол баъзе олимони ҳикмати инро баён дошта гуфтаанд, ки Худованд ба ин васила бар бандагонаш мефаҳмонад, ки дар умури дину дунёашон шитобкор набошанд. Бо вуҷуде, ки Худованд қодири бар як мижа задан халқ кардани замину осмон буд, вале онро дар шаш руз офарид. Инчунин яке аз ҳикматҳояш ба малоикаҳо нишон додани қудрати азалии Худованд аст. Зеро Худованд қабл аз офаридани замину осмон малоикаҳоро офарида буд.

Худованд малоикаҳоро офаридааст ва малоикаҳо бе дастури Худованд як қадаме зада наметавонанд. Онҳо лашкари Худованд ҳастанд. Вақте, ки дунё ба охир мерасад, Худованд ҳамаи онҳоро мемиронад ва боз дубора зинда мекунад. Дар он руз мо иносонҳои заиф онҳоро мебинем ва мушоҳида мекунем тавоноияшонро.

Бинобар ҳамин бояд ба чунин шахс фаҳмонида шавад, ки ин шубҳаҳо хато аст ва бояд, ки тавба кунад. Агар тавба накард, кофир мешавад. Худованд паноҳ диҳад.

асслому алайкум бобои эшон ман яке аз мухлисони шумо хастам худованд шуморо ва ахли оилаи шуморо нигахбон бошад суоли ман ман аз р шахринав хастам яке аз эшонзодагон мегуяд ки хазратхо абубакру умару усон разияллоху анх ба ахлу байти пайгамбар сас бисёр бадихо кардаанд оё ин дуруст аст илтимос ба ман зудтар чавобашро гуед ман ин хатро дуюмбор менависам илтимос албатта бан чавобашро гуед ва дар хакки ман дуо кунед ки ман дар сафар хастам худованд ниагхбони шумо бошад

Ва алайкумус салом ва раҳматуллоҳ. 

Бародари ислом ҳар касе, ки чунин ақида дорад вай душманӣ ба ислом, хусусан ба аҳли суннат дорад. Таърих ёдовар аст, ки чигуна саҳобагон, хусусан Абубакру Умар Усмон (Худованд аз онҳо розӣ бод) дустдори Паёмбар ва хонадони покаш буданд. Агар ҳазрати Абубакр душманӣ медошт бо ҳазрати Али, уро машваратчии олии худ қарор намедод. Агар Умар бо Алӣ душманӣ медошт уро ҷойнишини худ қарор намедод. Бинобар ҳамин ин суханонест, ки душманони дин бар алайҳи ёрони Паёмбар (алайҳиссалом) туҳмат задаанд. Ҳазрати Абубакр як сухани пурмуҳтаво дар фазилати хонадони Паёмбар гуфтаанд, дар гушаи таърих сабт мондааст ва касе онро инкор карда наметавонад. Эшон гуфтанд: “Қасам ба Худо, пайванди ман бо хонадони Паёмбари Худо (алайҳиссалом) беҳтар ва дустдоштатар аз пайванди хешовандиям бо хонадони худам ҳаст”. Ҳазрат дустии бо  хонадони Паёмбарро болотар аз дустӣ ва пайванд бо хешовандони худаш медонад. Зеро фазилату бузургии хонадони Паёмбарро медонист. Ҳулафои рошидин касоне буданд, ки ба хотири Паёмбари Худо  (алайҳиссалом) ҷонҳои худро фидо карданд. Инчунин агар Алӣ аз Абубакру Умар ва Усмон душманӣ ва озор медид, ҳаргиз номҳои фарзондони худро ба номҳои онҳо номгузорӣ намекард. Магар шахсе аз касе озору азият бинад ба болои ин фарзандошанро номҳои онҳоро мегузорад? Гузашта аз ин ҳазрати Алӣ яке аз духтарони худро ба ҳазрати Умар (Худованд аз ҳардуяшон розӣ бод) издивоҷ кунонид. Хулоса дар васфи муҳаббати байни Алӣ ва се ёри бузургвори Паёмбар суханҳо зиёданд. Вале аз камии вақт ба як сухани ҳазрати  Алӣ дар васфи Абубакр ва Умар, ки онро имом Аҳмад ривоят кардааст, иктифо мекунем. Ҳазрати Алӣ гуфтанд: “Расули Худо (алайҳиссалом) вафот карданд, сипас баъд аз эшон Абубакр  (Худованд аз вай розӣ бод) халифа шуданд. Эшон ба мисли амали Паёмбари Худо амал карданд ва бо роҳу равиши он Ҳазрат рафтор карданд, то ин, ки Ҳақ Таоло вайро ба ҳамин минвол қабзи руҳ кард. Сипас Умар (Худованд аз вай розӣ бод) халифа шуд. Эшон ба мисли амали Паёмбар ва Абубакр амал карда ва ба роҳу равиши онҳо рафтор кард. То ин, ки Худованд уро низ ба минволи онҳо қабзи руҳ кард”. Ривояти имом Аҳмад. 

шахсоне,ки шумо унвони эшони ба онҳо доден  душманони ислом ва аҳли байти Расули акрам алайҳиссалом ҳастан.

Ассалому алейкум варахматуЛЛОХИ ва баракотуh бобои Эшон.Ман ба шумо як чанд суоле дорам. як Дусти ман ба гуфтахои Ванга ки дар телевизорхо хамчун пеш гуянда маъруф хас ба гуфтахои вай бовар дорад мо ба вай мегуем ки бовар кардан ба у дуруст нест у мегуяд ки гапхои вай рост мебарояд ку хамин кор вай дуруст хаст ё ки не мо гуфтем ки Пешро факат АЛЛОХ (ХУДО ) медонад илтимос джавоб гардонед ,

Ва алайкумус салом ва раҳматуллоҳ.

Бародари исломӣ чунин савол қаблан низ омада буд. Ба ҳар ҳол бори дигар ҷавоб медиҳем, ки ба гуфтаҳои вай бовар карданд ширк аст. Зеро вай ҳукми фолбин ва аррофро дорад. Паёмбари Худо (алайҳиссалом) дар ин маврид фармудаанд: «Ҳар касе ба назди фолбин ё аррофе рафта ба суханҳои ва, ки аз ғайб пешгуӣ мекунад, бовар кунад, ба китобе, ки Худованд бар Муҳаммад (алайҳиссалом) фиристодааст, кофир мешавад». Ривояти Абудовуд.

Фолбинҳо ва аррофҳо азт ҷониби ҷинҳо ин суханоноро мегуянд, ҷинҳо аз малоика баъзе суханонро агар шанаванд ҳазор дуруғи дигар изофа карда ба инсони фолбин мерасонанд,ки агар 1% рост бошад 99% дигараш дуруғ аст. Мо мусалмонҳо мамурем, ки ҳама суханҳояшонро рад кунем.

Салом Бобои Эшон. Ман хамчун пайрави ахли суннат ва чамоат наметавонам бо шубхав шак зиндаги намоям. Шабаки чахонии Ахли байт дар барномахое, ки онро Аллохёри ном шахсе мебарад, ривоятхоеро аз муаррихини ахли суннат ва чамоат накл мекунад, мабни бар ин, ки паёмбари ислом (с) аз омадани 12 имоми маъсум хабар додаанд. Аз чумла гуё ин хадис бо санади сахех аз Имом Бухори хам накл шуда будааст. Ба ин чи мегуед?

Ва алайкумус салом ва раҳматуллоҳ. 

Ҳадисе, ки дар бораи 12 халифа омадааст чунин аст: “Дар замони дувоздаҳ халифа ҳамвора ислом азизу боқувват аст ва ҳамаи он халифаҳо аз насли Қурайш мебошанд”. Ин ҳадис мутафаққун алайҳ аст.  Ҳадиси мазкур ба мо аз омадани 12 халифа хабар додааст ва ҳоло он, ки дувоздаҳ имоме, ки дар мазҳаби шиа ҳастанд бештари онҳо ғайр аз ҳазрати Алӣ ва имом Ҳасан (Худованд аз ҳардуи онҳо розӣ бод) хилофат надоштанд. Инро худи китобҳои муътабари ин мазҳаб қабул доранд. Инчунин насси ҳадис сароҳатан баён медорад, ки ислом дар замони ин дувоздаҳ имом қавию азиз аст, вале баъзе имомоне, ки шиа эътиқод дорад ё мазлумона шаҳид шуданд ва ё азобҳои бешумор диданд аз ҷониби золимон. монанди язид. Зеро султа ва ҳукумате надоштанд. Инчунин китобҳои шиа баён медорад, ки гуё имомони аҳли байт аз сабаби тарсу хавф туқя ба кор мебурданд. Пас чи гуна дар замони онҳо ислом азизу қавӣ буд, дар ҳоле, ки аз тарсу хавфи душманонашон туқя мекарданд? 

Мо аҳли суннат эътиқод ба он дорем, ки Паёмбари Худо (алайҳиссалом) башорат додаанд, ки ислом дар замони дуваздаҳ халифа қавию азиз мебошад. Аз ҷумлаи ин дувоздаҳ халифа чаҳорёрон ва имом Ҳасан ва ҳазрати Умар ибни Абдулазиз мебошанд, ки ҳар яке халифа буданд ва ҳамагӣ аз насли Қурайш буданд ва дар замони онҳо ислом азизу қавӣ буд ва соҳиби тахти хилофату ҳукумат буданд.. Дар ҳадис баён нашудааст, ки бояд дувоздаҳ имом пай дар пай бошанд. Бинобар ҳамин ба қавли ибин Касир охири ин дувоздаҳ халифа ҳазрати имом Маҳдӣ мебошад, ки дар руи замин ҳукумат мекунад ва дар замонаш ислом дубора азизу қавӣ мегардад.

Ассалому алейкум варахматуллохи ва баракотуху!!! 1. Бобои Эшон оиди шахсоне ки девона хастанд дар рузи киемат онхо мавриди пурсиш карор мегиранд е не? Аз кучое шунидам, ки дар рузи киемат ба онхо амр карда мешавад,ки ба оташ дароянд агар онхо дароянд аз онхо пурсиш карор намегирад ва агар надароянд баракс пурсида мешаванд аз амалхояш ое ин дуруст аст? 2. Дар Курони карим номи Худо зикр шудааст ва ё дар хамаи чои Курон Худо нею Аллох зикр шудааст ва кадомаш аз инхо джуруст аст? 3. Намедонам чи хел суолро нависам ва мехохам ки аз забони худатон шунавам ки ин гапхои бардуруг аст: Якчанд бародархое, ки хонишро нав хатм карда омадаанд ва тарафдори шайх Албони хастанд мегуянд, ки Шумо ва Хочи Мирзо аз ахли Суфи хастед. Мо бо онхо хеле гапхои баланду паст гуфтем хатто ки кариб мушткаши хам шуд. Мехохам ки ба ин тоифа мардум ягон чавоб гуед. Узри бисер агар ки гапхои ман боиси хира гардидани табъатон шуда бошад.

Ва алайкумус салом ва раҳматуллоҳ.

1) Девонаҳо дар рузи қиёмат ҳеч гуна саволу ҷавоб надоранд. Он ривояте, ки шумо нақл кардед, ҳеҷ асос надорад.

2) Дар Қуръони Карим калимаи Худо наёмадааст. Зеро ин калима форсӣ аст вале Қуръон бо забони арабӣ нозил шудааст. Масалан мо Худо мегуем ва русҳо бог мегуянд вале агар манзур аз ҳардуи ин калимаҳо Аллоҳ бошад, боке надорад ва ҷоиз аст.

3) Ба саволи саввуми шумо қаблан зиёд посух гуфтем. Бинобар ҳамин ҳоҷат нест дар инҷо такрор кардани он. Аз шумо хоҳиш мекунам ҳечгоҳ барои мо шуда бо касе мушткашӣ накунед ва таҳаммулпазир бошед. Худованд нигаҳбонатон.

Ассалому алайкум АЛЛОХ нигахбони шумо! Аз шумо хохиш дорам ба саволам посух дихед. Аз пайравони дигар дин бар ман суол шуд, ки ба навиштани КУРЪОНИ КАРИМ ки шуруъ кард ва ки УРО анчом дод!? Ба онхо ваъда додам ,ки баъд аз мудате ба онхо чавоб медихам ! саволи дувум: Ман бо хамрохии хамсарам дар тичорат дар шахри Маскав мебошем. дар хонаи 1 хучраха зиндаги мекунем, дар хонаи мо китоби КУРЪОН дар чои баланди аст, аз касон шуниде,ки дар хона агар КУРЪОН бошад хамхобаги ба мо дуруст нест. Хол он ки мо имкони хонаи 2 хучрааро надорем чи бояд кард ?! Дар хакки мо дуо кунед АЛЛОХ моро муроду максуди хеш бирасонад!

Ва алайкумус салом ва раҳматуллоҳ.

Қуръони Карим ҳаргоҳ, ки оятҳои он бар Паёмбар (алайҳиссалом) нозил мешуд, саҳобагон дарҳол онро менавиштанд. Сипас дар замони хилофати ҳазрати Абубакр (Худованд аз вай розӣ бод) Қуръонро ҷамъ карда дар шакли як китоб дароварданд.

Асалому алайкум бобои Эшон. Ман чунин суол дорам: 1.Ба китоби ситорашиноси бовар кардан мумкин аст ё на? 2.Дар он чо омадааст,ки масъалан ман метавонам танхо бо духтарере издивоч кунам ки соли тавалудаш 1990-94-98 бошад! Оё ба ин бовар кардан мумкин аст ё на? 3.Сигор-нос харом ас?

Ва алайкумус салом ва раҳматуллоҳ.

Ба суханҳои ситорашиносон, фолбин ва ҳар касе, ки ғайбро пешгуӣ кунад бовар кардан ширк аст. Дар ин бора мо дар суҳбатҳои намози ҷумъа ва дар қисмати саволу ҷавобҳо муфассал гуфта будем.  

Асалому алейкум варахматуллох!!! Савол: Худованд одами Фосику мунофика хидоят мекунад ё ин,ки не? кадом аз ин ду шахсро (-яне фосик ва муновик-) Худованд гунохояшонро бахшида ва хидоят мекунад?

Ва алайкумус салом ва раҳматуллоҳ.

Мунофиқ ба касе гуфта мешавад, ки дар зоҳир худашро мусалмон мегуяд ва аз пушти ин гуфтаҳояш ҳадафҳои шум дорад, вале дар ботин бо ислом душманӣ дорад.

Фосиқ касеро мегуянд, ки ба Худо ва ислом имон дорад, вале дар анҷом додани амрҳои Худо аз руи пайрави нафс саркашӣ мекунад.

Мунофиқон дар назди Худованд аз кофирон бадтар ҳастанд. Зеро онҳо касонеанд, ки куфри худро пинҳон ва дар байни мусалмонон фаолият мекунанд.Худованд ҷазои мунофиқонро поинтарин дараҷаи оташи дузах муқаррар кардааст. Худованд мефармояд: «Ҳамон мунофиқон дар табақаи поинтарини дузах хоҳанд буд ва барои онҳо ҳеч ёрирасоне нахоҳад буд». Сураи «Нисо» ояти 145.

Аммо фосиқонро Худованд дар охират ба қадри фисқашон азоб мекунад ва сипас ба ҷаннат медароянд. Мисли шахсе, ки мусалмон аст ва зино мекунад ва ғайра. Дар фиқҳи исломӣ шахсе, ки фосиқ аст шаҳодати вайро қозӣ дар корҳои шаръӣқабул намекунад. Худованд аз ҳардуи ин сифатҳои шумо уммати исломиро нигаҳбон бошад.

accalomu alaykum bobojon lutfan megufted ki jinho ba incon taciri jicmoni raconida metavonad? dar icfara ovoza act ki guyo zanero dar hammom jin kushtaact. oyo chunin meshavad ?

Ва алайкумус салом ва раҳматуллоҳ.

Воқеан таъсири ҷин ба инсон вуҷуд дорад. Ҷинҳо низ махлуқоти Худо ҳастанд ва дар руи замин зиндагӣ мекунанд вале мо онҳоро ба чашм намебинем. Худованд ҷинҳоро аз оташ офаридааст. Қуръон дар ин бора мегуяд: “Худованд ҷинҳоро аз  шуълаи оташ офарид” Сураи “Ар раҳмон”. Ҷинҳо ба мисли инсонҳо мукаллаф ҳастанд, ки Худои ягонаро парастиш кунанд. Дар байни ҷинҳо кофиру мусалмон ҳаст мисли инсонҳо. Инчунин ҳолатҳое мешавад, ки ҷин инсонро ба бадани инсон медарояд ва уро ба қатл мерасонад. Дар саҳеҳи Муслим дар ин бора оварда шудааст, ки дар замони Паёмбари Худо (алайҳиссалом) ҷин ба бадани як писарбачаи ансорӣ дохил мешавад ва уро ба қатл мерасонад.

АССАЛАМУ АЛАЙКУМ БОБОЧОН САВОЛ ЧУНИН АСТ ОЁ ДАР ЧАННАТ ОФТОБУ МОХТОБ ХАСТ?ХУДОВАНД ШУМОРО ВА АХЛУ БАЙТАТОНРО НИГОХБОН БОШАД АМИН!

Ва алайкумус салом ва раҳматуллоҳ.

Дар васфи ҷаннат гуфта шудааст, ки дар ҷаннат неъматҳоест, ки чашме онро надидааст ва гуше онро нашунидааст ва ҳатто дар хаёли ҳеҷ кас нагузаштааст. Олимони ислом дар масъалаи баён кардаи шумо гуфтаанд, ки дар ҷаннат офтобу моҳтоб нест. Далел ин қавли Худованд аст: “Ҷаннатиён дар биҳишт офтоби сузон ва моҳтобро намебинанд” Сураи “Инсон”. Муфассирон дар тафсири ин оят гуфтаанд, ки мақсуди Худованд ин аст, ки боду ҳавои ҷаннат ҳамеша муътадил мебошад ва дар ҷаннат шабу руз нест. Инчунин ҷаннат худаш нур аст. Бинобар ҳамин эҳтиёҷ ба нури офтоб нест. Худованд ҳамаи уммати Муҳаммад (алайҳиссалом) ро аз неъмати ҷаннат бонасиб гардонад.

САЛОМ БОБОЧОН! ХОХИШ МЕКУНАМ БА САВОЛИ МАН ЧАВОБИ АМИК ГАРДОНЕД! МАН ДАР КАСАСУЛ АНБИЁ И ТОЧИКИ ХОНДАМ КИ ДУНЁ ДАР БОЛОИ ЯК ГОВ АСТ, ВА ОН ГОВ ДАР БОЛОИ ЯК МОХИ АСТ, ВА ОН МОХИ ДАР БОЛОИ ОБ МЕБОШАД. БОЗ ДАР БИНИ ОН ГОВ ЯК ПАШШАЕ БУДАСТ КИ ХАНГОМЕ ГОВ ХУДРО МЕЛАРЗОНДАСТ ЗАМИНЛАРЗА МЕШУДАСТ ВА ОН ПАШША ГОВРО НЕШ МЕЗАДАСТ ПАС ГОВ ОРОМ МЕШУДАСТ. ХАМИН СУХАНОН ТО КУЧО САХЕХ АСТ??? ХОХИШ БА САВОЛИ МАН ХАРЧИ ТЕЗТАР ЧАВОБ ГУЙЕД!

Ва алайкумус салом ва раҳматуллоҳ.

Додари исломӣ, ин суханҳо ҳеҷ асоси исломӣ надоранд ва дар ҳеҷ кадоме аз китобҳои муътабари ислом ва ривоятҳои саҳеҳ наёмадааст. Чунин суханҳову нақлҳоро исроилиёт мегуянд. Мо мусалмонон вазифадорем ба ончи Худо ва Паёмбар гуфтааст, имон биёварему халос. Худованд нигаҳбонатон.

Салом бобои эшони Нуриддинчон иллохо забонатон хаеша гуё бошад ва дастгири Ислом бошед. Аз шумо як Илтимос дорам ба ман маслихат дихед. 1.Ман дар Бонк кор мекунам, мункин аст чунки ихтисосе ки ман хондам дар замони хозира факат дар бонк кор карда мешавад. 2.Ман чурахое дорам хеч онхоро ба гап дароварда наметавонам вакте ман ба онхо ба ягон кор аз руи шариати исломи рохи ростро мегуям онхо ин гапо хамаш дуруг бо хамун ришдоро гуфт ми мегуяду ришдорхоро ба терорист мебарад мешавем бахс байни харду боз худашро мусалмон мегираду Алхамдулилох мегуяд ба ин нигох накарда ба зино меравад. Илтимос ба ман маслихате дихед ба ин хел одамон чи чавоб дихам, ки мусалмони хакики шаванд. Худо нигахбонатон.

Ва алайкумус салом ва раҳматуллоҳ.

1)  Дар бонкҳои рибавӣ кор кардан баъзе олимони муосир амсоли Қарзовӣ бо шартҳое иҷоза додаанд, ки мо матни онро дар фатвоҳои пештара оварда будем. Хулоса шахсони Худотарс бояд ин соҳаи ҳаётан муҳимми замонаро ба дасти фосиқону фоҷирон нагузоранд. Зеро агар замоне фаро расад, ки бонкҳои исломӣ боз шаванд дар он ҳолат ҷомиа эҳтиёҷ ба кадрҳои Худотарси бо таҷриба дорад. Вале шумо гарчанде, ки дар чунин бонкҳо кор мекунед бояд бо дил нисбат ба системаи рибавӣ ва просентии он нафрат дошта бошед.

2)  Бародари исломӣ вақте, ки ҳамкорони шумо дидаву дониста суханҳои Худо ва Паёмбарро инкор кунанд, ин хеле масъалаи хатарнок аст ва эҳтимоли аз дин берун шудани ҳамон шахс аст. Ба он бечорагони ухравӣ бигу, ки ришдорон чизе аз пеши худ намегуянд. Агар шумо исбот кунед, ки чизеро аз назди худ гуфтаанд, ман ба шумо аҳсант мегуям. Вале онҳо он чизеро мегуянд, ки Худо ва Паёмбар гуфтааст. Онҳо гумон накунанд, ки мазоқу шухӣ кардан ба аҳкоми исломӣ ҳеҷ боке надорад. Айнан чунин ҳодисаҳо дар замони Паёмбари Худо (алайҳиссалом) низ ба вуқуъ пайваста буд. Иддае аз шахсони мисли ҳамин ҳамкорони шумо аҳкомҳои исломиро ба масхара кашиданд ва қориёни Қуръони замони Паёмбарро ба шикамкалону баданпарвар ва дуруғгу масхара карданд. Дар ҳамин ҳол аз ҷониби Худованд ба Паёмбар (алайҳиссалом) ваҳй омад, ки “Эй Паёмбар ба онҳо бигу, оё Худованд ва оятҳои Худованд ва Паёмбари Уро масхара мекунед?!  Дигар узрхоҳӣ накунед. Зеро шумо баъд аз ислом оварданатон кофир шудед”.

Бародари исломӣ шумо ба гуфтаҳои он аҳамият надиҳед ва ҳеҷгоҳ бо онҳо даргир нашавед. Барояшон дуо кунед, ки Худованд ҳидояташон кунад ва илло дар акси ҳол шармсори арасоти Худованд ҳастанд.

Ассалому алайкум домуллои ширинсухан.Худо шуморо нигах дорад ва ба душманони шумо инсофу тавхик ото фармояд.Саволи ман ин аст!Савоби тиловати Куръони Шарифро ба гузаштагон хадя ва бахшида мешавад ё на? Баъзе касон мегуянд,ки хадя ва бахшида намешавад.Дуъо кунед Худованд ба мо фарзандони солех насиб гардонад.Худо нигахбонатон!

Ва алайкумус салом ва раҳматуллоҳ.

Бале, савоби тиловати Қуръон ба гузаштагон мерасад. Зеро ҷумҳури олимони ислом бар ҳамин раъй ҳастанд. Далелашон ҳадисе ҳаст, ки Паёмбари Худо мегуяд: «Ҳаргоҳ, ки фарзанди одам бимирад ҳамаи амалҳояш қатъ мегардад, магар се чиз; садақаи ҷория, илме, ки баъд аз худ мегузорад ва аз он нафъ бурда мешавад ва фарзанди солеҳе, ки баъди марг барои вай дуои хайр мекунад». Олимон гуфтаанд, ки модоме дуо баъд аз марг савобаш бар майит бирасад, тиловати Қуръон низ мисли дуо аст ва савобаш бар майит хоҳад расид. Инчунин аз салафи ин уммат ривоят шудааст, ки онҳо барои мурдагон Қуръон тиловат мекарданд ва савобашро бар онҳо мебахшиданд.

Асалому Алейкум ва рахматуллохи ва баракатуху! Бобои Эшон . Ман як мухлиси Шумо . Ман як духтаро нагз дидам лекин вай бади 40 солагияш бояд аловгардони кунад (даст гирифтааст) маслихати шумо дар ин бора чист?

Ва алайкумус салом ва раҳматуллоҳ.

Додари исломӣ, чунин амалҳои мисли аловгардонӣ дар ислом нест ва кунандаи он гунаҳкори бузург мешавад. Модоме, ки он духтар нияти аловгардонӣ дорад ва шумо, ки ҷавони боимон ҳастед худатон аз вай дур кунед. Ё ин, ки вайро фаҳмонед, ки чунин амалҳо ширк аст. Дар ягон китоби исломӣ дар бораи ин, ки дар чиҳилсолагӣ аловгардонӣ кунӣ, чизе наомадааст. Гузашта аз ин аловгардонӣ аз одатҳои аловпарастон ва мушрикони замони қабл аз ислом аст ва эътиқод доштан ба чунин амалҳо эҳтимолан инсонро аз ислом хориҷ мекунад. Худованд паноҳ диҳад.