Ассалому алейкум ва рахматуллох бобои эшон як суоле дорам барои чи дар намоз 2 бор сачда мекунем 2сачдаро мехостам афзалтар фахмам? Аллох шуморо аз шарри золимону хасадхурону шайтонхои инсию чинни хифз кунад омин

Ва алайкумус салом ва раҳматуллоҳ

Ба хотири он дар намоз ду саҷда мекунем, ки Паёмбари Худо (алайҳиссалом) чунин карданд. Зеро мо шариатро аз Паёмбар мегирем. Паёмбар низ тариқаи намоз хонданро аз Худованд ба воситаи Ҷибрил омухтааст. Ба ҳар ҳол иддае аз уламо ҳикмати онро чунин баён кардаанд, ки саҷдаи аввал нишонаи он аст, ки мо аз хок ҳастем ва вате мебардорем нишонаи он аст, ки ба дунё омадаем ва боз сар ба саҷдаи дуввум мондан нишонаи марг ва ба хок супурда шудан аст ва аз саҷдаи дувву хестан нишонаи дубора рузи қиёмат аз хок бархостан аст. Валлоҳу аълам

ассалому ъалайкум варахматуллох . суол зани хомилае ки тавалудаш наздик бошад метавонад намозашро нишаста бихонад?? дар панохи аллох бошед.

Ва алайкумус салом ва раҳматуллоҳ

Агар барояш хестану шиштан душвор бошад  дар ин ҳолат маъзур аст метавонад нишаста хонад. аммо намозҳои нафлро ба тариқи авло метавонад нишаста бихонад.

Асалому алайкум бобои Эшон суол а)Мо намоз мехондем дар тарафи дигар аммо Як мулло омад гуфт,ки дар инсу кибла нест инсу бихонед баъд як намоз бо у хондем баъди рафтани вай бо хаму тарафи пештара хондестем чикор кунем оё намози мо кабул мешавад ва ин кор касдан хисоб мехурад илтимоз чавоби пурратар дихед ??

Ва алайкумус салом ва раҳматуллоҳ

Бародари исломӣ, агар ҳамон дониста ба шумо қибларо маълум карда бошад, яъне бо далел исбот карда бошад ва шумо баъд аз намоз хондан бо у боз қибларо тағйир дода бошед, дар ин ҳолат ҳамаи намозҳои баъд аз рафтани у ба дигар тараф хондаатон  фосид аст. Бояд ҳамаи он намозҳоро қазоӣ бихонед. Вагарна гунаҳкори бузург шудаед. Ҳарчи зудтар қиблаатонро ба тарафи бо далел исботшуда бигардонед. Дар паноҳи Аллоҳ бошед.

Ассалому алайкум ва рахматуллох! Домуллои мухтарам, хохишмандам ба саволи ман посух гуед: Намозхоне ду ракаъати охири сунати пешинро фаромушан бе замми сурра хонд. Сачдаи сахв лозим мешавад ё не?

Ва алайкумус салом ва раҳматуллоҳ.

Бале саҷдаи саҳв воҷиб мешавад. Зеро намозҳои суннат ва нафл ҳар ду ракаати он як шафъи алоҳида аст. Пас дар ҳар шафъ замми сура воҷиб аст. Дар паноҳи Аллоҳ бошед.

Ичозат хаст ё не? Бобои Эшон дар анборе ,ки шароб хаст ва дар яхдоне ,ки шароб хаст ба мо мумкин хаст ,ки дар як гушаи анбор Намоз хонем ва дар он яхдон хурок монем ? Ба шумо ва ба Бародаронатон ташакури зиёд мефиристем Бобои Эшон .

Ва алайкумус салом ва раҳматуллоҳ.

Додари исломӣ, ба шарте, ки арақ дар зарфи махкам бошад ва ба таоми шумо омехта нашавад ҷоиз аст. Инчунин намоз хондан низ ҷоиз аст.

Салому алекум ва рахматулло Хазрати домулло дар рукуъ мо медонем ки ду ривоят аст, яке нигах ба болои по дигаре нигах ба сачдагох. Аз Шумо хохишмандам факат ба мо гуед ки афзалаш кадом аст ва шумо ба кадомаш амал мекунед ва ин дар кадом китоб аст? Худо нигахбони шумо

Ва алайкумус салом ва раҳматуллоҳ.

Афзалаш нигоҳ кардан ба саҷдагоҳ аст. Қавли Абуҳанифа низ бар ҳамин аст. Ин қавли Абуҳанифа дар китоби Раддул муҳтор омадааст. Худи ман ҳам ба қавли имом Аъзам амал мекунам. Дар паноҳи Аллоҳ бошед.

Саломи гарму чушон бар хазрати Эшон Саволи ман ин ки эмом вакте намозро тамом карда ру ба суи кавм мекунад баъзехо пушта ба киблаю ва баъзехо дасти чап ба суи кибла ва дасти рост ба суи кавм карда тасбеху дуо мезананд кадоме аз ин ду холат далели китоби ва хадис дорад? Хохишмандам далели китобиашро низ нависед

Ва алайкумус салом ва раҳматуллоҳ.

Ҳамаи ҳамин тарзи шиштанҳо дар ривоятҳо омадаст. Дар ривоятҳо омадааст, ки гоҳо Паёмбари Худо баъд аз салом дар намоз пушт ба тарафи қибла ва ру ба тарафи қавм менишастанд ва гоҳо ба дасти чап ва гоҳи дигар ба дасти рост меистоданд. Хулоса ҳама навъаш ҷоиз аст. Дар паноҳи Аллоҳ бошед.

Ва алайкумус салом ва раҳматуллоҳ.

Бародари исломӣ, гуш додан ба қироати имом дар намозҳои ҷаҳрия воҷиб аст. Пас бояд намозгузор баъд аз ният кардан хомуш истода қироати имомро гуш андозад. Вале дар намозҳои хуфя агар шумо сураи “Фотиҳа” ро яъне “алҳамд” ро замзама намуда бихонед мустаҳаб аст. Мо дар ҷавобамон хондани сураи фотиҳаро гуфта будем, агарчи ҳар сурае баъдаш бихонад боке надорад. Шарт нест, ки сураи шумо мехонда бо сураи имом мехондагӣ як бошад. Диққат кунед ин фақат дар намозҳои хуфя аст, вале дар намози ҷаҳрия сокит буда гуш додан ба имом лозим аст. Дар паноҳи Аллоҳ бошед.

Aссалому алайкум домулло Махмудчон суол дар намоз 4 ракаъата якчоя бо имом хондам мондаги 3 ракаъата чихел давом дихам агар хамма ракаъатба шурра зам кунам намоз дуруст мешавад

Ва алайкумус салом ва раҳматуллоҳ.

Дар ин ҳолат баъд аз салом додани имом аз ҷо хеста замми сура мекунад ва дар ракаатҳои баъдӣ замми сура намекунад. Агар замми сура ҳам кунад боке надорад ва саҷдаи саҳв воҷиб намешавад.

Ассалому алекум ва рахматуллох Бобои Эшон шахсе дар намози аср ба эмом ки хуфия мехонад иктидо кардаасту у низ дар вакти киём то ба рукуъ рафтан аз кафои эмом сура мехонад ба лабу забонаш чунбидан. Оё гунахгор мешавад ё не?

Ва алайкумус салом ва раҳматуллоҳ.

Ассалому алекум бобои эшон Аз як мавзуъи шумо шунидем, ки намози аср то азони намози шом хондан чоиз аст. Шахсе намози асрро ният карда буду ё дар ракати аввал ё дуюм ё сеюм буд ки азони шомро шуруъ карданд. Ин шахс намозаш фосид мешавад ё давом дода адо мекунад ва аз сар сокит мешавад?

Ва алайкумус салом ва раҳматуллоҳ.

Бобои эшон худо шуморо нигахбон бошад Шахсе дар вакти аз намоз хорич шудан ба чои ассалому алекум ва рахматуллох салому алекум ва рахматуллох мегуяд ё инки дар салом байни одамон низ. Оё дар ин ду холат чоиз аст?

Ва алайкумус салом ва раҳматуллоҳ.

Салому алекум Бобои эшон далели хондани намози казо кадом оёт ва хадисхо буда метавонанд?

Ва алайкумуссалом  ва раҳматуллоҳ.

Дар ҳадиси саҳиҳе Паёмбари Худо (алайҳиссалом) фармуданд: “Ҳар шахсе, ки дар хоб монд ё фаромуш кард ва намозаш қазо шуд, пас баъди бедор шуданаш ё ба ёдаш омадан он намозро бихонад”. Инчунин далели дигар ин аст, ки Паёмбари Худо (алайҳиссалом) дар ҷанги Хандақ се намозро қазо карданд ва қазоии ин се  намозро бо ҷамоат пеш аз хуфтан хонданд. Ҳамаи инҳо далел бар хондани намозҳои қазоӣ мекунад. Дар паноҳи Аллоҳ бошед. 

Ассалому алекум шахсе дар намози 4 ракатаи фарз дар ракати 2 юм фаромуш кард замми сура кунад.Оё у ихтиёр дорад, ки хохад дар ракати 3 ё хохад дар ракати 4 зами сура кунад?

Ва алайкумуссалом  ва раҳматуллоҳ.

Вақте, ки дар ракаати дуввум замми сураро фаромуш кард, дигар набояд дар ракаатҳои баъдӣ онро бихонад. Балки дар охир саҷдаи саҳв мекунаду халос. Дар паноҳи Аллоҳ бошед.

Ассалому алекум ва рахматуллох Шахсе дар ракати 4ум эмомро дарёфт. Пас аз саломи эмом у дар ракати дуюм зами сура кард дар ракати 3юм бе сура ва дар ракати 4ум зами сура. Оё ин тарз хондаи у дуруст аст? Агар не сачдаи сахв вочиб шуд?

Ва алайкумуссалом  ва раҳматуллоҳ.

Бародари исломӣ дар ин ҳолат тарзи дурусташ чунин аст. Вақте, ки имом салом дод бояд он шахс аз ҷо хеста замми сура кунад ва баъди ташаҳҳуд боз дар қиём замми сура мекунад ва ракаати охирро безамми сура мехонад. Дар ин ҳолати зикркардаи шумо саҷдаи саҳв воҷиб мешавад. Дар паноҳи Аллоҳ бошед.

Асалому алейкум,,,дар масчид дар вакти намозхони ногахон тахорати эмом шикаст дар кафои эмом одамхои беилм е нодон хастанд эмом чи бояд кунад ,,,е ин,ки дар кафои эмом одамхои бо илм хастанд чи бояд кард

Ва алайкумуссалом  ва раҳматуллоҳ.

Дар ин ҳолат як нафари онҳоро пеш дароварда худаш аз намоз хориҷ мешавад. Ҳамин, ки ҳамон шахс қироат карда тавонад ва тарзи намозро дуруст анҷом диҳад кофӣ аст. Шарт нест, ки олим бошад. Дар паноҳи Аллоҳ бошед

Ассалому алейкум думулои азиз бо ду саволи ман чавоб медодед 1. ман намоз мехонам ва баъдаз намоз ояталкурсира мехонам мебахшаму халос . тасбех намегуям ойо ман гунахкорам е,ки тарки вочиботи намоз кардам.? чавобашро интизорам .

Ва алайкумуссалом  ва раҳматуллоҳ.

Не, бародари исломӣ, шумо гунаҳкор намешавед. Шумо фақат тарки як амри мустаҳабро намудаед. Дар паноҳи Аллоҳ бошед.

Ассалому ъалайкум ва рахматуллохи ва баракатух бобои эшон ман дар россия тахсил мекунам алхамдулиллох.Ман бисери намозхоямро казо мекунам яъне аз сахар ба донишгох рафта бегох бар мегардам наметавонам намозхоямро дар вакташ адо кунам.Мумкин хаст дар дини поки ислом намозро пеш аз вакташ хонам ба хотири казо нашуданаш.Ман мехохам ки намозхоеро ки казо мешаванд пеш аз вакташ хонам аммо пурсидам бародарони исломиамро не чавоб доданд.Аммо алхамдулиллох ман ба шумо эътикот дорам мехохам ки аз шумо чавобашро бо хадиси расулуллох(с)фахмонед.Худованди мехрубон шуморо ва хонаводаи шуморо дар амони худаш нигахбон бошад.Ва дар хакки мани бандаи гунахгор дуъои хайр кунед.Панох ба Аллохи рахиму рахмон,

Ва алайкумуссалом ва раҳматуллоҳ.

Бародари исломӣ, ба шумо ҷавоби дуруст додаанд. Намоз дар вақтҳои муайянкардашудаи худ фарз аст. Ба ибораи дигар шинохтани вақти намоз ва адо кардани он дар вақташ фарз аст. Пеш аз даромадани намоз хондашан ҷоиз нест ва фарз аз гардан соқит намешавад. Шумо бо таҳорат ба донишгоҳ рафта дар ҳамонҷо шояд ҷое пайдо шавад, намозатонро бихонед. Ақаллан намозҳои фарзиро бихонед. Худованд шуморо нигаҳбон бошад.

Асалому алайкум ва рахматулохи ва баракатух Бобочон Суол Агар шахсе пули харом ба даст биорад бо воситаи дузди Хавай одам метавонад Дар намоз Имом шавад ба ин суоли ман чавоб дихед Худо аз шумо Рози Бошад

Ва алайкумуссалом ва раҳматуллоҳ.

Ҳукми чунин шахс фосиқ аст ва имоматии шахси фосиқ дар мазҳаби мо макруҳ аст. Аммо шахсоне, ки аз пушти у намоз мехонанд, ба онҳо ҳеҷ таъсири манфӣ надорад. Дар паноҳи Аллоҳ бошед.

Ассалому алайкум домуллои мухтарам! Хохиш мекунам ба саволи ман посух гуед: Намозгузор дар ракаати сеюми фарзи шом аз руи фаромуши нанишаста, ба ракаати чорум шуруъ кард. Барои сахех шудани намозаш у чи бояд кунад?

Ва алайкумуссалом  ва раҳматуллоҳ.

Бародари исломӣ, дар ин сурат барои у лозим аст модоме, ки ба саҷда нарафта бошад дарҳол шинад ва дар охир саҷдаи саҳв кунад  намозаш саҳиҳ мешавад. Аммо агар рафту саҷда кард баъд аз саҷда кардан ёдаш омад дар ин сурат намози у мубаддал ба нафл мешавад ва бар у лозим аст, ки дубора намозашро хонад. Худованд нигаҳбони шумо бошад ва илми бо амал насибатон кунад.

Ассалому алайкум Эшони Махмудчон 3-сол аст, ки ман дар шахри Руссия донишчу мебошам. Солхои аввал ман хамаи намозхоямро дар вактуш мехондам, холо баъзан бепарвоги дорам. Маслихат дихед ман чи тавр худамро контрол кунам, тарки намоз накунам, лачоми навсамро зери даст гирам. Ман дар инчо ранчи бисёр дорам. Дар хакки ман ва падару модарам дуъо кунед. Ман мухлиси Шумо, Худо нагахбонтон бошад!

Ва алайкумуссалом  ва раҳматуллоҳ.

Бародари исломӣ ин вобаста ба имону тақвои шумо аст. Шумо набояд ҳамчун мусалмон дар хондани намозҳо танбалӣ кунед. Зеро намоз яке аз асоситарин талаботҳои ислом аст. Паёмбари Худо (с) фармуданд: “Фарқ байни кофиру мусалмон дар намоз аст, пас ҳар касе, ки намозро (қасдан) тарк кунад кофир мешавад”. Ҳамин сухани гуҳарбори Паёмбари Худоро (с) пеши ру кунед ва ҳаргиз дар баргузории намоз танбалӣ накунед. Худованд имони шуморо қавитар бигардонад.

Assalomu alaykum. Boboi eshon yak suol doram. 1. Dar vakti ruku yo sajda miyon kushoda shavad namoz fosid meshavad? Namozro boyad az nav hondan lozim ast? Aksariyat barodaron az in mas'ala dur hastand.

Ва алайкумуссалом  ва раҳматуллоҳ.

Бинобар мазҳаби мо агар ба шарте, ки аз чаҳор як ҳиссаи ҳамон узв намоён шавад, намоз фосид мешавад. ин ҳукм барои ақиби инсон мавзеъи аз ноф поён аст, ба монанди думба. Бояд диққат кард, ки агар рафту пушти намозхон мавзеъи аз ноф боло  намоён шавад боке надорад.

Ассалому алайкум ва рахматиллохи. Бобои Эшон суоли ман ин аст:ман дар шахри Новосибирски русия кор мекунам дар завод . Панч вакт намоз мегузорам.Рохбари ман,ки бахудо бовар надорад ки у рус хаст хар вактеки дар намоз бинад маро озор медихад ва ман бо у бисёр бахс мекунам чангу чидол мешавам боз шахсоне хастанд,ки маро хабар мекашанд ба рохбар бародархои мо аз Точикистон номи мусулмони доранду халос ва у маро мегуяд ки инхо намехонандку намоза баъд бисёр озор медихад ман намоза факат фарзаша хонам мешавад.Барои он дар завод кор мекунам ки ичозат номаи кори барои ман додааст аз оилахои факирам мачбурам то дар ин чо кор кунам.Ду бор намоз мехонам дар завод(пешин ва аср)казои хонам мешавад.Чи хел хонам?барои ман як дуои нек бо дасти худатон бардоред ва хохиш мекунам ахли шогирдхову масчид хам дуо кунанд.АЗ ХУДОВАНД ШУКРГУЗОР ХАСТАМ,КИ ХУДОВАНД ШУМО ВА ОИЛАИ ШУМОРА ДАР ТОЧИКИСТОН ОФАРИД.(сипозгузорам аз касе ки дархакки касе дасти дуо мебардорад)

Ва алайкумус салом ва раҳматуллоҳ.

Бародари исломӣ Худованд ин сабру бурдбории шуморо дар иқомаи намоз ҳамчун амали нек дар тарозуи аъмоли шумо қарор диҳад ва дар дили раиси шумо андозад, ки дигар барои намозгузории шумо монеъ нашавад. Дар чунин ҳолати баёнкардаи шумо зарурат аст, шумо метавонед фақат намози фарзро бихонед.  Аммо дар мавриди намози пешин ва аср шумо кушиш кунед онро қазо накунед. Агар тамоман имконияти хонданро ба шумо надиҳанд ҳадди ақал пешину асрро ҷамъ карда, дар вақти пешин бихонед. Дар паноҳи Аллоҳ бошед.

салом Мухтарам домулло бархе аз гуфтахои домулохои масчидхо мегуянд,ки агар дар масчид намозро адо куни 27-савоб дорад ва агар дар хона намозро гузори 1-савоб дорад хохиш мекунам ,ки далели асосии хамин суолро бо тамоми масъулиятатон чавоб гардонед,ки хама мухлисон посухи дурустро интизор хастанд. Худован хамаи мусалмононро дар хифзу панохи худ нигох дорад .

Ва алайкумус салом ва раҳматуллоҳ.

Бародари исломӣ Паёмбари Худо (с) дар ҳадиси саҳеҳе фармуданд: “Савоби намози ҷамоат аз намози танҳогузор 27 маротиба зиёд аст”. Ин ҳадиси саҳеҳ аст. Бинобар ҳамин он домулло дуруст гуфтааст ва бояд шахси мусалмон барои дарёб намудани аҷри зиёд намозро бо ҷамоат бихонад. Дар паноҳи Аллоҳ бошед.

Мухаммадчон

Асалому алейкум Варахматуллохи вабаракотуху; Худованди мехрубон умратонро дароз ва забонатонро хамеша дар тиловати Курони Карим бурро гардонад.Суъоли ман чунин аст;Вакто,ки намози Бомдодро казо карди кадом вакт хондан дуруст, ва кадом вакт нодуруст?илтимос муфасалтар чавоб дихед.Худовванди карим дар панохаш шуморо нигах дорад.

Агар намози бомдод қазо шуд ҳамин, ки аз хоб хезад бояд таҳорат карда қазоии намози бомдодро бихонад. Аммо дар ҳолати завол хондани намози қазоӣ ҷоиз нест. Вақти завол 10 ё 15 дақиқа пеш аз дохил шудани вақти намози пешин мебошад. Дар паноҳи Аллоҳ бошед.

салому алейкум аз шумо як савол дорам одами мариз бошад намозро чи тавр хонад.

Ва алайкумус салому ва раҳматуллоҳ.

Агар ба шарте, ки рост истода натавонад нишаста мехонад. Аммо агар нишаста ҳам натавонад дар ин сурат як паҳлу ё дар ҷойгаҳи хоба бо ишора мехонад. Дар паноҳи Аллоҳ бошед.

Ассалому алайкум хазрати Мавлави! Худо Шумо ва ахлу байти Шуморо аз бадии душманон нигох дорад! Хазрати Эшон ба  саволи ман хохиш мекунам чавоб дихед.

 Дар сурате, ки ангушти сабоба набошад чи гуна онро анчом дод!

Ва алайкумуссалом 

Бародари исломи, агар ангуштаи сабобаи инсон ба ҳар иллате набошад, дар ин ҳолат суннат аз вай соқит аст. Зеро ки маъзур аст.  

Ассаломуалайкум Бобои Эшон лутфан аз Шумо хохиш дорам ки оиди Намози Тасбех каме гуфта гузаред?

Ва алайкумуссалому ва раҳматуллоҳ! Дар бораи намози тасбиҳ ва тарикаи он ман ба шумо он чизеро мегуям, ки Паёмбари Худо (алайҳиссалом) ба амаки худ Аббос таълим доданд. Паёмбар фармуд: "Эй амаки ман (Аббос) чаҳор ракаат намоз гузор! Дар ҳар ракаати он сураи “Фотиҳа”ва замми сура бикун! Баъди фориғ шудан аз замми сура инро бихон; “Аллоҳу акбар, валҳамду лиллоҳ ва субҳоналлоҳ ва ло илоҳа иллаллоҳ”. Инро понздаҳ маротиба кабл аз рукуъ бихон ва сипас рукуъ бинамо. Ин зикрро (яъне зикри дар боло гузашта) даҳ маротиба дар рукуъ бихон. Сипас баъд аз оне, ки сарро аз рукуъ бардошти даҳ маротибаи дигар онро бихон! Сипас ба саҷда рафта онро даҳ маротибаи дигар бихон! Сипас сарро аз саҷда бардошта даҳ маротибаи дигар онро бихон! Сипас ба саҷдаи дуввум рафта боз даҳ маротибаи дигар бихон! Сипас боз аз саҷдаи дуввум хеста онро даҳ маротиба пеш аз он, ки за ҷо бархезӣ, бихон! Ба ин тарз дар ҳар ракаат 75 маротиба он зикр хонда мешавад. Ва дар чаҳор ракаат сесад маротиба хонда мешавад. Эй амак! Агар гуноҳонат ба андозаи реги Олиҷ (номи як макони биёбонзор) бошад, албатта Худованд он гуноҳони туро мағфират хоҳад кард". Ҳазрати Аббос гуфт: Эй Паёмбари Худо (алайҳиссалом) кӣ метавонад ин намозро ҳар руз бигузорад? Паёмбар фармуд: (Агар натавонӣ онро дар ҳар руз бихонӣ пас ҳар рузи ҷумъа онро бихон! Агар инр ҳам натавонӣ пас дар як моҳ як маротиба бихон. Ва агар инро ҳам кудрат надошти анчом бидиҳӣ, пас дар як сол як маротиба бихон". Ин ҳадисро Тирмизӣ ривоят кардааст.

ASSALOMU ALEKUM BOBOI ESHON KHUDOVAN SHUMORO BO HAMROHI BARODAROTON NIGAH DORAD MEKHOSTAM BASAVOLI MAN JAVOB DIHED BOBOI ESHON INSONEKI DAVOI MUSALMONI MEKUNAD VA BA TAMOMI SHARIATI ISLOM BOVAR DORAD VALE AZ RUI KASLONI NAMOZ NAMEKHONAD DAR NIGOHI ISLOM URA KOFIR GUFTAN DURUSTAS YO NE IN MASALA BAROI MAN KHELE MUHIMAST ILTIMOS BOPURAGI JAVOB DIHED KHUDOVAND SHUMORO NIGAH DORAD VA DAR OKHIR DAR HAQI MO TOLIBO DUO KUNED ASSALOMU ALEKUM VARAHMATULLOHI VABARAKOTUHU

Ва алайкумус салому ва раҳматуллоҳ,

Бародари исломӣ чунин инсони зикркардаи шумо дар мазҳаби мо уро ҳукм ба куфр намекунанд. Балки уро фосиқ медонанд ва у муртакиби гуноҳи кабира аст. Инчунин агар ба ҳамин ҳол аз дунё равад эҳтимоли зиёд бар он аст, ки мустаҳиққи азоби ҷаҳаннам гардад. Худованд паноҳ диҳад. Аммо он ҳадисе, ки аз Паёмбари ислом зикр шудааст, ки “Ҳар касе, ки тарки намоз кунад, кофир мешавад” инро олимони мазҳаби мегуянд, ки мурод аз куфр дар ин ҳадис куфри амалӣ ҳаст на куфри эътиқодӣ.

Хукми хондани тахияи масдчид баъд аз намози аср

Асалому алайкум ва рахматулои ва баракатуху бобои эшон саволе дорам илтимос чавоб дихед, баъди намози Аср намози тахияи масчит хонда мешвад е не

Намози таҳияи масҷид ё намози нафлро баъд аз намози аср хондан дар мазҳаби мо макруҳ аст

ассалому алейкум бобои эшон намози таровехро 8 ракат хони мешавад е ки хатман 20 ракат хондан даркор илтимос чавоби пурра медодед

Бародари исломӣ намози таровиҳ дар мазҳаби мо инчунин назди ҷумҳури олимони ислом 20 ракаат аст. Мо инкор надорем, ки аз Паёмбар (алайҳиссалом) 8 ракаат таҳаҷҷуд ривоят нашудааст. Аммо Рамазон моҳи ибодат аст. Дар он ҳар чи ибодат бештар кунӣ ҳамон қадар хуб аст.

Assalomu alaikum va rahmatullohi va barokotuhu. Hazrat shumo khub medoned, ki dar mazhabi (Emom Shofii) ba baromadani khunu misli haminho tahorat nameshikanad. Mo ki dar mazhabi (Abu Hanifa r.a) hastem namozhoi mo chi meshavad?

Ва алайкумус салому ва раҳматуллоҳ.

Бародари исломӣ агар манзурат ин аст, ки аз пушти имоми шофиъимазҳаб намоз дуруст аст ё не. Бале бародар аз пушти имоми шофиъӣ ва ҳанбалӣ ва моликимазҳаб иқтидо карда намоз хондан дуруст аст. Вақте аз пушти имоми шофиъимазҳаб иқтидо мекунӣ ту гумон кун, ки аз пушти имом Шофиъӣ намоз хонда истодаӣ. Магар имом Шофиъӣ яке аз бузургони аҳли суннат нест? Бе шаку шубҳа имом Шофиъӣ як шахсияти барҷаста ва муътабари ислом аст. Ҳамчунин имом Аҳмад, Молик ва Абуҳанифа Худованд раҳматашон кунад.