Бисмиллохиррахмониррахим! Ассалому алайкум ва рахматулло! 

Дар бораи муносибатхои мусалмон ва кофир дар бобати хариду фуруш. 

Суоли1: Агар ягон беимон аз мо чизе харидори кунад ва мо хамон молро кимматтар карда фурушем чи мешавад? Агар чоиз нест, пас барои чи куффору мунофик куштору горати муъминин мекунанд? Агар мумкин набошад инсонро горат кардан ба сабабе, ки инон горату куштор накардаанд пас кофир хукм ба хама хаст ё бар хамон нафароне, куштору горат мекунанд? Аз он сабаб, ки ман бисёр нафароне, ки аз хоричи кишвар хастанд аз дин пурсон мешавам,

Ва алайкум салом ва раҳматуллоҳ. Бародар исломӣ, муомилаи мусалмон бо кофир хеле аҳкоми нозук дорад. Аввалан ин, ки олимони ислом кофиронро ба чанд даста тақсим кардааанд. Кофири мусолим ва кофири муҳориб. Кофири мусолим он касе аст, ки бо мусалмонон дар ҳоли муомилаи хуб аст. Аммо кофири муҳориб он аст, ки дар ҳоли ҷанг бо мусалмонон аст. Мисли кишвари Исроил. Дини ислом ҳамеша ва дар ҳама мавқеъ даъват ба адлу инсоф мекунад агарчи тарафи муқобил кофир ҳам бошад. Худованд дар Қуръон фармудааст: 

لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ الممتحنة:8

 "Худованд шуморо (эй муъминон) манъ намекунад аз ин, ки бо кофироне, ки бо шумо дар ҳоли ҷанг нестанд ва шуморо аз диёратон берун нарондаанд некӣ  ва адлу инсоф кунед. Ҳамоно Худованд шахсони соҳиби адлу инсофро дуст медорад". Бубинед Худованд дар ин оят мусалмононро тавсия намудааст, ки бо кофироне, ки бо ислом дар ҳоли ҷанг нестанд, некӣ ва адлу инсоф кунанд. Ин бузургии дини ислом аст. Магар чунин бузургӣ ва таҳаммулпазириро дар дигар диёнатҳо ба андозаи ислом пайдо мекунӣ? 

Бародари исломӣ оё медонӣ, ки сабаби дар ислом дохил шудани аксари кишварҳои шарқи дур ҳамчун Индонезия ва ғайра маҳз ба сабаби муомилаи хуби тоҷирону савдогарони мусалмон ба онҳо буд. Ислом ба ҳеч ваҷҳ ғасбу ғорати моли дигаронро чи мусалмон бошад чи кофир беягон асосу далел иҷозат намедиҳад. Вафо ба аҳду амон яке аз асосиёти ислом мебошад. Вақте, ки шахси мусалмон ба кишвари кофири мусолим дохил мешавад барои вуруд визо мегирад, ки ҳамон маънои аҳду амон аз ҷониби тарафайн мебошад. Бинобар ҳамин дар ҳамин ҳолат дигар мусалмон вазифадор аст, ки ба аҳду амони худ пойдор бимонад. Аз ин сабаб  вақте, ки моли онҳоро бидуни ҳақ мегирад гуё ин, ки аҳду паймони худро шикастааст.  Дар поён гузидае аз суханони имом Сарахсиро дар мавриди муомила бо кофирони мусолим меорем: 

"Бар мусалмоне, ки уро диёри кофир амон бар динаш додааст, хиёнатро нописанд медонам. Зеро, ки хиёнат ҳама навъаш ҳаром аст. Паёмбари Худо (алайҳиссалом)  фармудааст: "Барои шахси хиёнаткор дар рузи қиёмат дар назди дари истиқоматаш парчаме зада мешавад, ки бо он парчам шинохта мешавад, ки у хиёнаткор аст" Пас шахсе, ки бо кофир хиёнат карда моли уро ғасб намуда ба кишвари мусалмонон биёрад, барои мусалмонони он кишвар харидани он мол ба шарте, ки донанд аз хиёнат ба даст омадааст, макруҳ аст. Зеро он мол ба касби ҳаром ба даст омадааст."  Китоби "Алмабсут" Сарахсӣ саҳ.96/10.

 Ба номи Худованди бахшояндаю мехрубон, бобои Эшон эхтиромона хохиш менамоям, ки ба суолхои ман чавоб дихед.

  1.Тассодуфан  як адад шамоили (икона) таърихии Исопарастхо ба дасти ман афтид, ман метавонам онро ба савдо барорам ва бар ивазаш маблаг гирам? Ба фуруш баровардани он тибки конунгузори хам мамнуъ аст.

 2.   Чанд сол пеш, ман рузаи мохи шарифи Рамазонро шикастам ва аз ин пештар карздор хам будам. Метавонам ман карзи худро бо додани фидя адо кунам?, Агар имкон бошад, пас фидяро ман ба ду моху дах руз адо намоям?  

 Сипосгузорам,  дар амони Худованд бошед.

Ва алайкумуссалому ва раҳматуллоҳ.

 1) Бародари исломӣ чунин навъ тасвирҳо ва ба ибораи худи шумо иконаҳое,ки имруз арзиши боло доранд ва дар он аксҳои масеҳиён бошад дуруст нест. Умуман фурухтани ҳар акс ё портрети инсон ё ҳайвони соҳибруҳ дуруст нест.

 2) Дар масъали дуввумӣ бошад шумо модоме, ки қудрати руза гирифтанро дошта бошед наметавонед фидя диҳед.  Агар шумо рузаро қасдан хурда бошед, пас барои кафорати он ду моҳ пайдар пай  руза медорад.

Боарзи  салому  самимият  мухлиси шумо аз Хитой, Бобои эшон суоливозех ин аст,         Точирхое ки аз дигар кишвар хо  баинчо  меоянд  бахотири харидории мол ва даринчо шахсоне ки забон ро медонанд онхоро бохуд тарчумон интихоб мекунанд, ва дар вакти харидории мол тарчумон  фоиз (хак) мемонад, холо онки точир хабар надорад,  оё ин амал дуруст аст ё на илтимос чавоб дихед,     ва дар охир банда  илтимоси дуо дорам!  Хдо ёру мадад горатон,

Ва алайкумус салому ва раҳматуллоҳ.

Бародари исломӣ, агар ҳамон тарҷумон ба тоҷир нагуяд, ки бар болои моли харидаи вай ҳаққи худашро мондааст, аз як тараф ин кори вай дуруғгуӣ ва аз тарафи дигар фиребкорӣ ҳисоб меравад, ки аз назари шариат ҳардуи ин амал ҳаром аст. Беҳтар аст, ки ба тоҷир ҳаққи хидмати худро ошкоро дар миён монад.

Салом, саволи мо дар он аст ки дар бозори умумичахони (Forex) савдо кардан бо фоизи кам мумкин аст е не, аз барои он ки ин савдоро фоизи зиеди исрифкори доштанаш харом донистаанд. Шумо дар бораи даромади кам яъне 10%-15% фоида дар ин бозор чи маслихат метед ? Дар амони Худо бошед. Бо эхтиром мухлиси шумо Диловар.

 Ва алайкумус салом ва раҳматуллоҳ.

 Бародари исломӣ, агар ин бозори зикркардаи шумо маркази хариду фуруши саҳҳомӣ бошад, дар ин сурат харидану фурухтани саҳмияҳо ба чи қимате, ки набошад аз назари шариат ҷоиз аст. Яъне хариду фуруш дар марказҳои биржавие, ки саҳмияҳои корхонаҳои бузургро мефурушанд, ҳеч боке надорад. Аммо агар бонке ё маркази амонатгузорӣ бошад, ки шумо дар онҷо пули худро бигузоред ва мунтазири фоизи он бошед, он фоиз ё просент аз назари шариат қатъиян ҳаром буда, рибо маҳсуб мешавад. Худованд нигаҳбонатон.

 асаломуалайкум варахматулохи вабарокоту бобоиешон  худованд шуморанигохбонбошад илтимос басаволимо чавобдихед мо даррусия дарбозор савдомекунем пояфзолмефрушем точанд фоиз метавонем дар болояш монда фурушем.

 Ва алайкумус салом ва раҳматуллоҳ.

 Додари исломӣ, шариати исломӣ маблағгузории қимати молҳоро барои фурушанда озод гузоштааст. Ба ибораи дигар шумо ҳар нархе, ки бихоҳед дар руи моли худ гузошта онро ба савдо мебароред, фақат як чиз муҳим аст, ки аз ҳадди маъқул зиёд нарх нагузоред, ки сабаби зарар бар мардум шавад. Худованд шуморо нигаҳбон бошад.

Ассалому алайкум ва рахматулЛохи ва баракотух! Устоди гироми Худованд нигохбони Шумо бошад, як суоле дорам. Устод ман дар яке аз бозорхои Москва мехохам ба тичорат машгул шавам, чо ёфтам, молтаъминкунандахо хам хастанд, ки молро бе накд барои савдо медиханд, факат пул барои ичораи чо лозим аст аммо пул надорам ва хеч кас пул карз намедихад, оё ман метавонам аз бонкхои Москва пул гирам аз барои хамин корам?

 Ва алайкумус салом ва раҳматуллоҳ. 

 Дар ҳолати зарурат, ки шумо дигарро роҳҳоро дидед ва касе ба шумо қарзулҳасана надод, дар ин ҳолат ба қадри зарурат қарз гиред вале ҳамин, ки тавонманд шудед аввал худатонро аз нопокии он пули рибавӣ халос кунед. Иншоаллоҳ уммед аст, ки дар шароити шумо ҷоиз бошад. Дар паноҳи Аллоҳ бошед.

саволи изтирори бесаброна харчи зудтар мунтазирам харидани гуште, ки ахликитоб забхи кардаанд ва фурухтани он бо худи ахликитоб яъне тичорат кардан чоиз аст ?

 Ва алайкумус салом ва раҳматуллоҳ.

 Бале ҷоиз аст.

 Ассалому алайкум бобои Эшон аз шумо хохиш дорам ки ба саволи ман чавоб дихед. Мо ба тичорат машгулем мо баъзе борхо-ро монанди пойафзол руймол ва либоса мефурушем баъзеи точирони дигар ёфт мешаванд ки бори намуди моро мегиранд ва бо нархи арзон баъзехо онро бо нархи харид мефурушанд ба хотири чалби муштарихо локин бо ин сабаб мо ки микдори зиёд мехарем зиён мебинем аз ин чихат ба истехсол кунанда мегуем ки ин намуди молро ба дигар кас надех оё ин аз назари шариат дуруст аст.

Ва алайкумус салом ва раҳматуллоҳ. 

 Бародари исломӣ ин тарзи муомилаи тиҷориро дар истилоҳи имруза монополия мегуянд, ки аз назари шариат нодуруст аст. Зеро ин амал аз як ҷиҳат зулм ба дигар тоҷирон ва аз ҷиҳати дигар ҳуррият ва озодии дигар тоҷиронро маҳдуд мекунад, ки дар шариати ислом ҳаром мебошад. Дар замони Паёмбари Худо (алайҳиссалом) баъзе тоҷирон дар дари бозор истода соҳиби молеро, ки мехост молашро ба бозор дарорад, манъ мекарданд ва худашон ҳамон молро ҳамаашро харида сипас бо нархи хостаашон мефурухтанд. Паёмбари Худо (алайҳиссалом) ин амали онҳоро наҳй карданд. Аммо агар рафту худи ширкати истеҳсолкунанда молашро фақат ба намояндагиҳои худ дар гушаву канори кишвар тақсим карду ба дигар тоҷирон надод, дар ин ҳолат ҷоиз аст.

 Баьди хамд ва санои аллохи мехрубон ва дуруди бепоён ба рухи МУХАММАДи амийн (с) аммо баьд Ассалому алайкум ва рахматуллохи вам баракатуллоху ва магфиратух бобои эшон бо мохи шарифи рамазон хаммаи шумо ва ташкилотчиёни ин сомонаро табрик ва тахният гуфта аз даргохи АЛЛОХи зулчалол барои хаммаи шумо як чахон инсоф ва тавфику хидоят орзумандем. агар вакт дошта бошед барои як чанд саволхои мо посух мегуфтед. 1) агар дар 3ё4-руи раькти намози фарз баьд аз сурраи фотиха замми сурае сахван карди бояд сачдаи сахв лозим аст ё не. 2) агар дар савдо мичозе ба мо гуяд, ки дар (накладное) нархи меьвае ки 75р аст 100р навис мо менависем оё гунахкор мешавем ё на . ва дар охир дар хакки хаммаи мо мусофирои аз ватан берун ва падару модари мо дуое кунед хадованд барои мо имону тавфики бандаги ва саодати дунёву охиртро насиб гардонад. дар панохи АЛЛОХИ Зулчалол бошед ОМИЙН....

Ва алайкумус салом ва раҳматуллоҳ.

 1) Бинобар қавли саҳед дар мазҳаб саҷдаи саҳв воҷиб намешавад.

 2) Дар ин масъала аввал бояд шумо бидонед, ки ҳамон муштарӣ ба чи ҳадаф қиммати маҳсулотро дар борхат (накладной) баланд нишон додан мехоҳад. Агар ҳадафаш ба хотири он бошад, ки рафта ба раисаш зиёд нишон диҳад ва бақияи пулро дар ҷайбаш бизанад ин амал ҳаром аст ва набояд шумо дар чунин ҳолат вайро кумак кунед. Зеро кумаки дар маъсият маъсият аст. Дар ғайри ин ҳолат боке надорад.Дар паноҳи Аллоҳ бошед.