salom aleykum boboi eshon man ba shumo ak suol doram agar dar vaqti ramazon sahari xurakda naxezi bad agon chiz naxuri ruzai girigtagi durst ast. dar haqimo duo kuned mo dar musofir hastem.

Ва алайкумус салом ва раҳматуллоҳ.

 Бале, дуруст аст. Худованд нигаҳбонатон.

асалому алейкум бобои эшон номи ман абдували номи ман дуруст хаст ё не бандаи вали ,вали номи аллох ё сифати аллох шуда метавонад,2юм мо дар россия алхамдулилох рузадорем дар ин рузхои гарм кор мекунем ва баданхои мо бисёр арак мекунад мо баъд аз кор пеш аз намози аср дар хамом дар таги душ оббози мекунем ба рузахои мо чи зиён дорад ,,,аллох нури эмону тавфики шумо ва бародаронатонро зиёдтар гардонад,

Ва алайкумус салом ва раҳматуллоҳ.

1) Бародари исломӣ номи шумо дуруст аст. Зеро Валӣ яке аз номҳои Худованд аст.

2) Оббозӣ кардан дар моҳи рамазон боке надорад. Худованд шуморо нигаҳбон бошад.

Саломуалейк устоди ширинсухан ва хакгу. Банда дар Россия ба корхои сохтумони машгулам, фарзхои ИЛЛОХИРО кушиш карда ба чо оварда истодаам аммо руза шуруь шуд кори мо вазнинаст ташна мемонем бехуд мешавем оё имкон надорад рузаро дар зимистон вакти хона истирохат куни рафтем баьд гирем? Ташакур барои посух. Дар хаки падару модари ман дуо кунед. ХУДО ХОФИЗ...

Ва алайкумус салом ва раҳматуллоҳ.

Бародари исломӣ руза яке аз фарзҳои илоҳӣ мебошад. Бинобар ҳамин шумо аввал барои руза ҳар саҳархурӣ хеста хурок бихуред. Сипас ба кор равед. Агар рафту дар кор ҳис кардед, ки дигар қуввати рузадориро надоред ва беҳол шудед, дар ин ҳолат рузаатон мехуред. Бояд ин корро ҳар руз идома диҳед. Аммо ҳамин хел аз назди худ тасмим гирифтани ин, ки қуввати руза гирифтанро дар вақти кор надоред ва ба ҳамин иктифо намуда руза нагирифтан гуноҳ аст. Дар паноҳи Аллоҳ бошед.

Ассалому алаукум ва рахмаулох, Агар дар бинии шахси рузадор доре чаконида шавад ки каме ба халкаш равад руза мешиканад? Аз шумо хохиши дуо дорам дар хаки ахли оилаи мо дуое кунед ки Худованд тавфики зиёд ва ризки фарог насиб гардонад.Хамеша дар хифзи Худо бошед!

Ва алайкумус салом ва раҳматуллоҳ.

Дар сурате, ки дору аз бини гузашта ба ҳалқаш равад руза фосид мешавад. Дар паноҳи Аллоҳ бошед.

Асалому алейкум Устод.

Савол: нияти рузаи казои кардам шахсе ба даъвати таом хуриро кард ман бай вай гуям, ки ман рузадор хастам хеч боке надорад? Як муллое ба ман гуфт, ки рузаи нофила е казоиро, ки гирифти бояд ба хеч кас нагуи, ки рузаат хамчун рие хисоб мехурад.

Ва алайкумус салом ва раҳматуллоҳ.

Агар рузаи гирифтаат қазоӣ бошад, ҳеч боке надорад шумо ба он кас гуед, ки рузадор ҳастед. Умуман ин масъала вобаста ба нияти худи инсон аст. Масалан агар нияти шумо ба дил баъд аз гуфтанатон, ки рузадор ҳастед, риё ва худнамоӣ бошад, дар ин ҳолат риё мешавад. Аммо агар ниятатон фақат ба хотири фаҳмондани соҳиби таом бошад, боке надорад.  Риё ҳамеша ба ният вобастагӣ дорад.  Ҳатто Паёмбари Худо фармудаанд, ки агар ба манзили шахсе рафтед ва шумо рузадор будед ва аз таомаш майл накардед, дар ин ҳолат дар хонааш ду ракаат намози нафл хонда савобашро ба аҳли ҳамон хонадон бахшед.

Салом Домулло. Саволи ман чунин аст. Зане ки нав таваллуд кардааст руза доштанаш дуруст аст?

Ва алайкум салом ва раҳматуллоҳ.

 Бале дуруст ҳаст, албатта баъд аз нифос пок шудан, яъне агар руза гирад рузааш қабул аст, аммо зарур нест, ки руза дорад. Ба Зани ҳомила ва зане, ки фарзанди ширхора дорад, шариат иҷозат медиҳад, ки руза надоранд ва қазои онро дар ягон вақти муносиб бигиранд.

Асалому аълайкум Домуллои мухтарам.

 Агар шахс дар мохи шарифи рамазон сахархуриро баъди субх анчом дода бошад, вай нафахмидааст,ки субх дамидааст оё вай ин рузро казои мегирад?

Ва алайкум салом ва раҳматуллоҳ.

Агар воқеан дамидани субҳро нафаҳмида бошад қазоӣ намедорад.