Ассалому алейкум Бобои Хочи! Агар шахсе ба хамсараш гуяд, ки то омадани ман ба хонаи падарат нарав агар рави 3 талок? Талок мешавад ё не?

Ва алайкумус салому ва раҳматуллоҳ.

Бале, агар шарт воқеъ шавад яъне то омадани шавҳараш ба хонаи падараш равад, талоқ воқеъ мешавад. Дар паноҳи Аллоҳ бошед.

ман духтареро дус медора хонада рози нестан бева хаст метонан никох кунам гирам

Ва алайкумус салом ва раҳматуллоҳ.

Бародари исомӣ модоме, ки он зан бева бошад ва ба болои ин хонаводаи шумо розӣ набошанд ва дар айни ҳол шумо ҷавони издивоҷ нокарда бошед, беҳтар ин аст, ки бо ягон духтар издивоҷ кунед. Зеро зиндагӣ ин як ду руза нест. Балки то охири умр бояд зиндагӣ намуд. Нашавад, ки дар зиндагӣ шумо зуд аз вай хаста шуда дар фикри талоқ биафтед ва он занро дар нимароҳи зиндагӣ танҳо бигузоред. Дар паноҳи Аллоҳ бошед.

асалому алекум домло мо яке аз мухлисони шумо хастем ман мехостам пурсам азшумо бе муло мо метавонем никох кардан бо се шоид агар иконияташ боша чавоб гуед

Ва алайкумус салом ва раҳматуллоҳ.

Бале бе мулло метавонед никоҳ кунед. Аслан хондани хутбаи никоҳ суннат аст. Будани ду шоҳид ва лафзи иҷобу қабул фарз аст. Ду шоҳид бояд лафзи «бахшидаму қабул кардам» ро бишунаванд. Як чизи дигарро ёдовар шавам, ки дар никоҳ маҳр аст. Бояд маҳр зикр шавад. Бигузор маҳр сад доллар бошад ва ё камтар аз он ва ё зиёдтар ва ё ангуштар ва ғайра. Худованд нигаҳбонатон.

салом домуло худован нигахбонатон бошад ба шумо саоле дорам ман дар шахри руссия кор мекунам бо як зани рус никох кунам дуруст аст е на лекин вае мусалмон нест илтимос чавоб гуед.ташакур.

Ва алайкумус салом ва раҳматуллоҳ.

Бо зани русе, ки эътиқод бо дини худаш дорад яъне масеҳӣ аст ва зония нест, метавонед никоҳ кунед. Худованд нигаҳбонатон.

Ассалому алайкум ва рахматолохи ва баракатуху. Саволе дорам ки агар чавони 25 сола бо зани аз худ бузрг 35 сола бо тарики никохи исломи издивоч намоянду , аммо аз ин кор танхо мулову шохидон хабардоранд, дигар касон огах набошанд, оё ин зино хисоб мешавад.

Ва алайкумус салом ва раҳматуллоҳ.

Бале никоҳи вай дуруст аст. Ҳатто мувофиқи суннат аст. Зеро Паёмбари Худо (алайҳиссалом) ҳангоме, ки бо Хадиҷа (разияллоҳу анҳо) издивоҷ кард, Хадиҷа аз Эшон 15 сол бузургтар буданд.  

Инчунин модоме, ки никоҳи шумо ҳама шартҳояш пурра бошад яъне ду шоҳид ва лафзи қабулу иҷоб бошад, никоҳ дуруст аст ва фаҳмидани дигар шасхон зарурат надорад. Дар паноҳи Худо бошед.

Ассалому алейкум врахматуллохи ва баракатуху. Устоди азиз ман шуморо ва бародаронатонро дуст медорам сарам хоки поятон,устод азшумо хохиш мекунам саломи маро ва саломи мухочирони сарсону саргардон дарбадар ранчкашидаи точиконро ба хазрати Эшони Нуридинчон бирасонед ва бигуед ки ба хаки мо мухочирон дуои нек кунад ки мо мухточи дуохохи шумо хастем,сипосгузорам.суолам чунин хаст.чавони мусалмон бо духтари рус яъне масехи метавонад изтивоч кунад. Худовадн дар панохаш нигахдорад шуморо.

Ва алайкумус салом ва раҳматуллоҳ.

Бародари исломӣ ташаккур барои изҳори муҳаббат ва дустиятон ва Худованд шуморо сарбаланд бигардонад. Ҷавоби саволи шумо чунин аст, ки бале марди мусалмон метавонад бо зани масеҳӣ, ки ба динаш эътиқод дорад, издивоҷ кунад.

Assalomu aleikum va Rahmatullohi va barakotuh!Muhtaram Domulloi aziz suoli man chunin ast.Du sol meshawad,ki man dar Olmon tahsil mekunam.Sohibi chahor farzandam.Hangome ba sawjaam zangzada purrson meshawam,ki oyo shumo muhtoji pul hasted yo na?U hamesha meguyad,ki shumo wakte omaded,shoyad karzdor boshem,bad pulhoi karziro barmegardoni.Chi hele ki man hondam,dar borai ziyoda az 4 moh dur budan az oila,chi meshawad,ki bad az hona omadanam yagon usuli islomi lozim ast yo ne?

Ва алайкумус салом ва раҳматуллоҳ.

Не, бародари исломӣ ҳеч чиз лозим нест. Чаҳор моҳ ё шаш моҳ ин шартҳое аст, ки дар вақти никоҳ гузошта мешавад, ки ихтиёри талоқ дар ин ҳолат ба дасти зан мегузарад. Агар зани шумо дар ин муддати ғиёбатон аз шумо розӣ бошад ва сабр кунад ва ҳеҷ гуна талаби ҷудо шудан аз шуморо надошта бошад, ҳеҷ гуна нуқсон дар никоҳи шумо воқеъ намешавад.  Дар паноҳи Алоҳ бошед.

Салом кози домулло.Оё бо зане, ки мусалмон нест никох равост?Додани пул ба зане,ки Эхтиеч дорад савоб хаст?

Ва алайкумус салом ва раҳматуллоҳ.

1) Никоҳ бо занҳои масеҳӣ ва яҳудӣ ба шарте, ки эътиқод ба шариати худашон дошта бошанд, ҷоиз аст. Ғайр аз ин ду тоифа ба дигар занҳо издивоҷи марди мусалмон ҷоиз нест. Масалан бо зани бутпараст, оташпараст, зардуштӣ ва ё атеист.

2) Бале пул додан ба зане, ки эҳтиёҷмандаст ҷоиз аст, ба шарте, ки бар ивази он ягон нияти бад ё фосид надошта бошед. Дар паноҳи Аллоҳ бошед.

Ассалому Алейкум Домлои Азиз.  ман як саоле дорам Одами гуемки мулло. як Шохид мардина кати худашро бо як духтар никох карда метавонад. Рахмат.

Ва алайкумус салому ва раҳматуллоҳ.

Бародари исломӣ, мо борҳо такрор кардаем, ки яке аз шартҳои асосии никоҳ будани ду шоҳид аст. Худи шахси зангир агарчи мулло ҳам бошад шоҳид шуда наметавонад. Яъне ба ғайр аз зану марде, ки дар никоҳи ҳамдигар медароянд, бояд ду шоҳиди мард ва ё як марду ду зан бошад. Дар ғайри ин сурат никоҳ ботил аст.

Ассалому алайкум, Бобои Эшон оё дар шариат никохи духтаре, ки аз зани дуюми падарам аст чоиз аст? Масалан хамон духтарро гирам ба зани?

Ва алайкумус салому ва раҳматуллоҳ.

Никохи духтаре, ки аз зани падаратон аст ва аз худи падари шумо таваллуд нашудааст, ҷоиз аст. Яъне ба ибораи дигар ҳамон духтар аз шавҳари пештараи зани дуюми падаратон бошад, никоҳи вай ба шумо ҷоиз аст.Худованд нигаҳбонатон.

Салом домулло, Худо шуморо нигах дорад. Саволам чунин аст. Дар конуни ислом духтарро даркадом син бояд ба шавхар дод.

Ва алайкумус салому ва раҳматуллоҳ.

Дар қонуни ислом духтар баъд аз ба синни балоғат расидан метавонад шавҳар кунад. Ҳолатҳои ба балоғат расидани духтарон гуногун аст. Баъзе духтарон дар синни 17 ё 18солагӣ ба балоғат мерасанд ва баъзеи дигар зудтар. Хулоса қонунҳои маҳаллиро низ риоя кардан даркор аст,ки сабаби ташвиш доданатон аз суи мақомот нагардад. Пештар синни балоғат дар қонуни Тоҷикистон синни 17солагӣ буд, ҳоло бошад 18 солагӣ. Мақсадашон ба ин чи аст, инро худашон медонанд. Хулоса мувофиқи ислом духтар, ки ба синни балоғат расид метавонад шавҳар кунад.

Ассалому алайкум бобои Эшон.

Бобои Эшон манн дар вакти хонадоршавиям рости он кадар аз ислом хабардор набудам, гарчанде мусалмон будам ва дар туи манн хамрнуши низ шуд. Аммо манн худам наменушидам. Баъди он Шукри Аллоҳи бузург, Аллоҳи меҳрубон маро хидоят карда ва имруз алҳамдуллоҳ толибилм хастам. Оё никохи манн дуруст аст?

 Ва алайкумус салому ва раҳматуллоҳ.

 Бародари исломӣ агар ба шарте, ки дар рузи туятон арақро ба мардум пешниҳод карда бошед ва онро эътиқодан ҳалол гуфта дода бошед, дар ин ҳолат никоҳи шумо ботил аст. Аммо агар онро медонистед, ки ҳаром аст вале дар туй ба мардум тақдим карда бошед, дар ин ҳолат иншоаллоҳ никоҳи шумо дуруст аст. Масъалаи арақ ва зино вобаста ба эътиқод аст. Агар шахс ҳамонро ҳалол донад аз доираи ислом берун мешавад. (Худованд паноҳ диҳад) . Дар паноҳи Худо бошед.

assalamu alaikum va rahmatullohi va barakatuh .Domulloi muhtaram xudovand shumo, va  barodaroni shumoro dar hifzi xudash nigoh dorad amin . hazrati domullo ba shumo suole doram ki inchunin ast . oyo mardi musalmon уo zani muslima metavonad zani yahudi уo mardi yahudiro ba izdivoji xud darorad mufassaltar javob medoded.  

Ва алайкумус салом ва раҳматуллоҳ.

Марди мусалмон метавонад зани яҳудӣ ё масеҳиро никоҳ кунад. Аммо зани мусалмон ба ҳеч ваҷҳ наметавонад бо марди ѓайри мусалмон издивоҷ кунад. Инчунин никоҳи зани мусалмон бо марде, ки мусалмонзодааст аммо эътиқоди ба дин надорад ва ё арақу зиноро ҳалол медонад, ё намозу рузаро қабул надорад, ,,ҷоиз нест.

Никох.  Ассалому алайкум Хазрати Эшон!  Лутфан ба як вазъи таъчилии банда тавсия ё фатво медодед бисёр миннатдор мешудем, чун мо дар Россия Донишу фаъолият дорем ва дар инчо инсони ботаквоеро надорем,ки аз у фатво бигирем.  Ман кариб 4-сол мешавад дар Россия тахсил дорам, ва дар инчо тасодуфан дучори як духтари мусальмон шудам, аз баски дар инчо Мусальмон кам аст мо бо У ошно шуда баъзе вактхо хамсухбат мешудем, Хулоса баъди яксоли шиносои хисс кардам,ки  уро хело дуст медорам, хостам ба у издивоч кунам, аммо модарам рози нашуданд, харчанд фахмондам, намефахманд.  Мегуянд хечгох аз ман рози нахоханд шуд агар бо у издивоч кунам, хамаи ин норозигихо ба хотири онки духтара миллаташ Киргиз мебошаду зодаи дигар шахр аст.   Духтар ба хотири ман,  ба якчанд хостгорхои худ чавоби радд дод.

Ба хотири онки Худоинокарда мо ба ягон гунохи вазнин "Зино" даст назанем, ОЁ МЕШАВАД,КИ ПИНХОНИ АЗ ВОЛИДАЙН ИЗДИВОЧ КУНЕМ? Чун,ки рози шудани волидайнам номумкин ва гайри имкон аст.

Бидуни хамдигар  зиндаги бароямон маъние надорад, инро волидайнам намефахман.  Охир духтар Мусальмон аст. 

Илтимос Эшон чавоб ва ё рохи дурустро нишон дихед!

 Рахмати ХУДО ва дар панохи ХУДО бошед.

Ва алайкумус салом ва раҳматуллоҳ.

Барои хонадор шудани шумо тибқи шариат розигии падару модаратон зарур нест. Аммо насиҳати ман ба шумо ин аст, ки шумо пинҳонӣ никоҳ накунед, балки ошкор никоҳ кунед ва ҳаргиз ба нияти никоҳи муваққат никоҳ накунед. Вақте, ки издивоҷ кардед ба нияти зиндагии якумра никоҳ кунед. Шумо никоҳ кунед, иншоаллоҳ баъди як ду сол мебинӣ, ки падару модари шумо розӣ мешаванд. Агар рафту онҳо розӣ нашуданд, дар иваз шумо ҳамеша бо онҳо эҳтиром, муомила ва рафтори хуб дошта бошед ва ёрдами моддӣ намоед. Иншоаллоҳ ба ҳамин роҳ розигии онҳоро ба даст хоҳед овард.

Asalomu Aleikum Wa Rahmatullohi Wa Barakatuhu, Кози Домулло

 Хазрати Эшон  ба як саволи мо чавоб медодед.

 Оё барои гирифтани зани дуюм ичозаи зани якумро гирифтан шарт аст? ва  дар хакикат мувофики Шариат ягон чойгохе дорад?

 Чунки Домулло Махмадуллох (Кулоб) дар яке аз маъвизаашон гуфтаанд, ки шарт аст, аммо Хочи Мирзоро гуш кунам он кас гуфтан ки шарт нест. Илтимос ба хамин масъала равшани андозед. Джазака Аллоху хайр!

Ва алайкумус салом ва раҳматуллоҳ.

Иҷозаи зани аввал барои гирифтани зани дуввум шарт нест. Аммо агар рафту зани аввал дар вақти никоҳ шарт гузошта бошад, ки зани дуввум намегиред ва низ мард ба ин шарти зан розӣ шуда бошад, дар ин ҳолат барои зани дуввум гирифтан розигии зани аввал шарт аст. Ногуфта намонад, ки ҳатто дар ҳамин масъала ҳам олимони мазҳаби мо ду назар доранд. Иддае мегуянд, ки розигии зан дар ҳолати будани чунин  шарт лозим аст, аммо баъзеи дигар мегуянд, ки розигии зани аввал дар масъалае, ки шариат ҳалолаш медонад шарт нест, агарчи чунин шарте дар вақти никоҳ гузошта бошанд. Хулоса мувофиқи шариат розигии зани аввал барои гирифтани зани дуввум шарт нест. Дар ин масъала домулло Ҳоҷи Мирзо дуруст гуфтаанд. Дар паноҳи Худо бошед.

aсалому алайкум кози домулои азиз худванд шуморо аз хама балохо дар амионаш нигахдорад ман ба шумо ва хонаводаи шумо бисёр эхтироми бузург дорам худо хамаи шуморо аз хама ранчхо дур дорад..бобои ешон тули 1 сол мешад ки масьалае маро азият медихад хуб мешуд равшани меандохтед. Вакте ба никох рафтам хохиш кардам ки моро ру ба ру аз паси парда никох кунанд ва хамин таврхам шуд вакте муло розигии арусро пурсид чавобашро ман нашунидам ва дубора пурсидан бозхам на онкадар хуб шунидам вале муло ва дигар шахсони ончо буда игво карда гуфтанд ки мо шунидем ва муло аз ман розиги маро пурсид аз баски муло шиносам буд ва у хеле бо илм аст манхам розигии худро додам хачрчанд ба мам маьлум буд, ки арус рози буд ва хаст..чунки вай духтари холаам аст.. Бобои эшон гуед ин никохи мо дуруст буд.. Шукри худо фарзандорхам шудам илтимос ягон маслихати хуб дихед. Ва дар хак мо дуо кунед.ки дар мухочирати мехнати дар русия хастам ва худо насиби ба ватан гаштанамро саломат хадя кунад.

Ва алайкумус салом ва раҳматуллоҳ.

 Аввалан ин, ки шояд шумо дуртар будед ва нафарони наздик ба арус розигии вайро шунидаанд. Гумон накунен онҳо шаҳодати дуруғ намедиҳанд. Инчунин чуноне, ки худатон гуфтед мулло шахси ботақво ва худотарс аст. Пас модоме, ки он кас шоҳиди дода бошанд, ки шунидаанд, ин тайиди шаҳодати дигарҳост. Дуввум ин, ки шумо имкон доред ҳоло аз ҳамсаратон бипурсед, ки ҳамон вақт розигӣ дода буданд ё не.  Агар  тасдиқ кунад, ки розиги дода буд, дигар  ҳеч ҷои шубҳа намемонад. Аммо агар розиги надода бошад дар ин ҳолат шумо бояд аз сари нав никоҳ кунед. Дар паноҳи Худо бошед.

Ассалому алайкум,

 Оё як мард ду хохаронро ба зани гирифта метавонад, ба шарте, ки хардуяш зиндаю саломат бошанд?

 Оё бародар зани додар ё баракс додар зани бародарро пас аз марг ба зани гирифта метавонад?

 Ташшакур.

Ва алайкумус салом ва раҳматуллоҳ.

Не, ду хоҳарро дар як вақт ба никоҳ гирифтан ҳаром аст. Оиди саволи дуввум бошад, бале бародар зани бародарашро баъд аз маргаш ба занӣ гирифта метавонад. Худованд нигаҳбонатон.

Салом Домулло. Саволи ман чунин аст  ман ба марде тану навси худро бахшидам ва у гуфт, ки хостам ва кабулат кардам ба зани аммо ягом шохид надоштем. ин намуди никох дурустаст ё не? Худованд нигаҳбонатон.

Ва алайкумус салом ва раҳматуллоҳ.

На, ин никоҳ нест, балки зино аст. Зеро бешоҳид никоҳ дуруст намешавад. Шумо ҳатман бояд ду шоҳид дошта бошед, то никоҳатон дуруст шавад. Шоҳид ду марди мусалмон ва ё як марду ду зани мусалмон метавонад бошад. Дуюм шарти никоҳ ин аст, ки бояд маҳр ҳам таъйин шавад. Дар ин сурат никоҳи шумо никоҳи саҳеҳ мешавад. Дар ғайри ин сурат ақди никоҳ ба ҷо намеояд.

Устоди арчманд ва мухтараму муаззаму мукаррам, салом алайкум ва рахматуллохи ва баракотуху.  Баъдан, мехохам ба хамин суоли ман посух гуед. Падари ман 1 зани дигар хам гирифтааст ки у духтаре хам дорад аммо у аз падари ман нест, оё ман метавонам духтари он занро гирам. Баъдан 1 хохиш доштем Хазрат агар имконият бошад хамон аппаратурахои сабткуниро иваз мекарденд, хар чумъа бо завк дискхои Ешонхоро мебиёрем аммо гуш карда намешавад.Дар охир дар хакки ман 1 дуои неке кунед ман 1 мухлиси оилаи шумо хастам.

Ва алайкумус салом ва раҳматуллоҳ.

Бале шумо духтареро, ки аз ҳамсари падаратон аст, яъне аз шавҳари аввалааш аст, метавонед ба никоҳи худ дароред. Он духтар бо шумо никоҳраво аст. Аммо дар мавриди дискҳо бошад, шумо ҳархела дискҳоро нахаред. Ман ба шумо тавсия мекунам, ки ҳамон дискҳоеро бихаред, ки дар он унвони сомонаи мо зернавис шудааст. Зеро онҳо дискҳои бо сифат аст ва бо таҷҳизотҳои хуб наворбардорӣ шудааст. Худованд нигаҳбонатон.

Асалому аллайкум!

 Аз Шумо эхтиромона хохиш мекунам, ки ба саволи ман чавоб гардонед.

 Ман бо шавхарам чанчол шудем дар пеши мо касе набуд. Шавхарам дар вакти чахл ба ман гуфт, ки се талокат кардам дуюмбор такрор кард, сембора се талоки боини харомат кардам дар шохидии Худо гуфт.  Бад аз чанд руз ба ман мегуяд, ки ман талок накардам хато касам мехурад, ки ман дар ёд надорам талок гуфта бошам нияти талок карданхам надорам мегуяд, ки ба ман як шохид биёред, ки ман хамин гапро гуфтаам, домуллои мухтарам ман дар фикр мондам оё талоки у барои ман дуруст хаст, ман метавонам бо у зиндагиямро давом дихам.

 Бо этироми бузург Сайёра!

Ва алайкум салом ва раҳматуллоҳ.

Хоҳари исломӣ то равшан шудани масъала шумо бояд бо шавҳаратон якҷо зиндагӣ накунед. Шумо ҳамроҳи шавҳаратон назди ягон домуллои ботақво рафта воқеиятро ба он кас фаҳмонед. Шояд домулло ягон фатво ё роҳе барои шумо пайдо мекунад. Банда аз тариқи сомона аз ин зиёд ба шумо гуфта наметавонам. Худованд нигаҳбонатон.

Асалому алейкум варахматуллои ва баракотух мухтарам бобои эшон   худованд ба шумо ва бародарони шумо умри дарози бо баракат ва илми бо амал насиб фармояд зеро шумо ва бародарони шумо сабаби фахри мо мусалмонхо хастед вокеан мо аз шумо фахр менамоем ва худоро шукр мегуем ки шумобарин пешвои  далеру нотарсу хакикатгу дорем. Бобои эшон мехостам бифахмам оё гирифтани зани рус бо никохи исломи дуруст аст агар зан  мусалмон набошад?  Ва оё касонеки зани рус доранд ва унхо сатру намозу руза надоранд ва аз ин занхо дар киёмат чи чавоб медихад?

Ва алайкумус салом ва раҳматуллоҳ.

Бародари исломӣ, беҳтар он аст, ки шумо зани рус нагиред. Аммо агар зарур бошад ва эҳтимоли ба зино афтодан бошад дар ин ҳолат зани рус бигиред ҷоиз аст. Аввал кушиш кунед, ки исломро қабул кунад.Аммо агар рафту исломро қабул накард бояд зане бошад, ки ба дини худаш эътиқод дошта бошад. Зеро шариати  ислом ба мусалмон никоҳи зани масеҳиро иҷоза додааст. Локин дар давоми зиндагӣ бо роҳи нармию хубӣ он хонумро кушиш кунед, ки ба дини ислом мушарраф гардонед. Дар ин ҳолат беҳтарин савобро соҳиб мешавед. Худованд нигаҳбонатон.

 Ассалому алайкум! Рости аз кушода шудани сайди Шумо хело шод шудем зеро ба воситаи ин сайд мумкин мо аз рохои баъд даст кашем. Бобои хочи рости ба Шумо як савол доданиям ва хохиш дорам ба саволи ман посух гардонед. Ман ба хости волидайн ба шавхар баромадам. Аз шавхарам чудо шудам сабаби чудо шуданам  шавхарам зани дигар гирифт тамоман бо ман зиндаги кардан нахост, хамаги мо ду мох зиндаги кардем. Баъ аз чудо шудан ман 13 сол шавхар накардам баъди 13 сол бо як марди хамкорам, ки маро бо гуфти худаш бисёр нагз мебинад вохури кардем. Вай мард бо ман гуфт, ки агар мо бо хамдигар тану нафс бахшем ин никох аст, ман  бовар кардам бо у тану нафс бахши карда бе ягон шохид ман у тули 6 мо во мехурдем баъд никохи мусулмони  карда зиндаги дорем. Оё тану нафс бахшидан никох аст? Ман вакте, ки намоз мехонам фикр мекунам намозам кабул нест барои гунохи кардаам метавонам дар хамин дунё ягон кори хайре кунам гунохам бахшида гардад?

 Илтимос ба саволхои ман чавоби пурра гардонед.

 Бо эхтиром хохари исломии Шумо!

Ва алайкумуссалом ва раҳматуллоҳ

Бахшидани тану нафс  бе иштироки  2 шоҳиди мусулмон никоҳ нест , барои он коре, ки шудааст аз Худо истиғфор  ва бахшиши гуноҳ талаб намо.  Шояд Худо гуноҳи шуморо гузарад. Зеро он 6 моҳи зиндагии муштараки шумо зино буд.  Худо мағфирататон кунад.  Никоҳ илова ба  шоҳидии 2 марди  мусалмон боз шартҳои дигаре низ дорад , мисли таъини маҳр ва ғайра .  Набояд бо аҳкоми шариъат чунин бозӣ кард.

Салом хазрати Козидомулло мо ба Шумо савол дорем

 1.Ман донишчуям аммо холо як беваро гирифтаниям ба  хотири он ки дар дарсхо аз дидани духтароне ки шим ва юбкахои кис мепушанд худдори карда наметонам оё гирифтани ман дуруст аст

 2.Туйи Исломиро чи хел гузаронем оё занхо бо занхо якчоя шуда артиски кунанд ва ё мардхо бо мардхо хофизи кунанд дурустай хохиш мекунам чавоби дурусташа мегуфтед

Ва алайкумуссалом ва раҳматуллоҳи ва баракотуҳ

1.  Бале, дуруст аст ҳатто мувофиқи суннат ҳам ҳаст, зеро Паёмбари Худо ҳамсари аввали худ Хадиҷаро бева гирифта буданд ва аз худашон 15 сол калон низ буданд,  фақат бародари азиз никоҳи шумо бояд никоҳи исломи ва доими бошад на никоҳи мувақатию матъа.

2.  Бале бояд мардҳо ҷудо аз занҳо хурсандию рақсу сурудхони кунанд ва ҳамчунин занҳо ҷудо аз мардҳо бо худ хурсанди кананд, зеро ихтилот ( яъне як ҷошудани зану марди бегона) дар ислом ҳаром аст, агар ҳамин шарт риъоя шавад ва машруботи сипирти дар туятон масраф накунед иншоАллоҳ ин туй шумо исломи аст ва аз он аҷри зиёд мегиред.

Асалому алайкум дар холати хайз занро талок куни ичозат аст. ё талок мешавад

Ва алайкумус салом ва раҳматуллоҳ.

Бале талоқ воқеъ мешавад, вале ин навъи талоқро талоқи бидъӣ мегуянд. Дар паноҳи Аллоҳ бошед.

асалому алайкум пешвои бузург агар чавоне фарз кардем дуздие кунад ва гуядки кули зан бар ман харом ман накардам у зангирифта метавонад йо не

Ва алайкумус салом ва раҳматуллоҳ. 

Бародари исломӣ дар ин ҳолат агар ба шарте, ки ҳамон шахс дуздӣ карда бошад, ва ба чунин шакл қасам хурда бошад қасамаш эътибор надорад ва метавонад зан бигирад.  Вале барои ин қасамаш гунаҳкор мешавад.

АССАЛОМУ АЛУЙКУМ УСТОДИ МУХТАРАМ БА ШУМО ЯК САВОЛЕ ДОРАМ ЗАНЕ КИ 20 СОЛ ПИСАРО ТАНХО КАЛОН МЕКУНАД ХОНАДОР МЕКУНАД ДАР БАЙНИ ЧАНД МОХЕ БАЙНИ ХУШТОМАНУ КЕЛИН НОФАХМИ ПАЙДО МЕШАД ПИСАР БОШАД ЗАНИ ХУДРО ГИРИФТА МЕБАРОЯД МЕГУЯД ИЧО ФИТНА МЕШАВАД МО ИЧОРА МЕНИШИНЕМ МОДАР МЕГУЯД ТО РУЗЕ БО ИН ЗАН ХАСТИ МАРО ХАБАР НАГИР

Ва алайкумус салом ва раҳматуллоҳ.

Бародари исломӣ, агар ба шарте, ки зани ҳамон шахс ягон айбу нуқсонӣ шаръӣ надошта бошад, масалан беҳиҷоб набошад ва аҳли намозу руза бошад, дар ин ҳолат ҷудо шудани мард аз вай шарт нест. Аммо агар зани беҳиҷобу бенамоз бошад, беҳтар ин аст, ки сухани модарашро гуш дода аз он зан ҷудо шавад. Ба ҳар ҳол коре кунад дили модарашро ба худаш дубора нарм кунад. Зеро модар бар болои фарзанд ҳаққи хеле зиёд дорад. Дар паноҳи Аллоҳ бошед.

Assalomu alaikum domuloi muhtaram,savili man in ast Yak barodari nazdikam zan girift lekin duhtar pok nabaromad va zinagii onho vairon shud,mobaini yak e du moh judo shudand,niyati duhtar dar peshi hamsoyahoyash kurtai safedei arusiro pushidan budast maksad man ham kurtai safed pushidam,gufta niyati holis nadoshtas.Dpmuloi muhtaram dustam in niyati badi in duhtarro fahmida zindagi nakard lekin javobi duhtarro nadod maksad Hudovand Jalla Jaloluhu taufik medihad va zinagii pok mekunad lekin na u boz barohi haromi raft,dustam Alisher Javobashro nadod va uro az hona ham sur nakard va guft man javobatro namediham va turo nameronam az hona, duhtar hudash baromaa raft,dustam zan girift farzand eft,lekin sharti javob nadodani in shahs chist ,tashakur domuloi muhataram ,dar haki mo duo kuned tashakur

Ва алайкумус салом ва раҳматуллоҳ. 

Бародари исломӣ дусти шумо бояд дигар он занро талоқ диҳад. Модоме, ки он зан беҳаё аст пас бояд мард масъулияти худашро аз болои вай дур кунад. Худованд занҳои мусалмони кишварро тавфики бештар насиб кунад ва шуморо нигаҳбон бошад

занеро шавхараш партофта рафтааст аммо чавобашро намедихадки дигар шавхар кунад хукмаш чист

Ва алайкумус салом ва раҳматуллоҳ.

Он шавҳар бисёр гуноҳи кабира кардааст. Касе, ки занашро партофта мераваду ҷавобашро намедиҳад, муртакиби гуноҳи кабира мешавад. Чунин зан метавонад ба назди муфтӣ биояд ва масъаларо шарҳ диҳад ва муфтӣ пас аз санҷиш метавонад ба талаби зан талоқро байни онҳо содир кунад. Баъд аз гузашти иддааш зан метавонад шавҳар кунад. Худованд нигаҳбонатон.

А.С.А Кози Домулло.Дар шахри Россия истикомат дорам.Занам хомила 8 моха барои беичозати ман хонаи хешовандонаш рафтан то субхи дигар дар холати дар хона набудани ман,вакти баргашт ман уро бо лафзи се талок рахо кардам.Мудати як хафта Модараш ва у талаби аз нав никох карданро доранд аз сабаби хомила буданаш.А Шумо хохиш мекунам ба кадри имкон ба ин масъала равшани андозед.Ташакури калон

Ва алайкумус салом ва раҳматуллоҳ.

Дар масъалаи талоқ аз тариқи интернет ҷавоб гуфта наметавонам. Зеро ин масъалаи хеле нозук аст. Ба болои ин шумо се талоқ гуфтаед. Бинобар ҳамин хоҳиш мекунам, вақте ки ба Тоҷикистон  омадед хоҳ ба назди мо ва ё ягон домуллои дигар рафта ҳама ҷонибҳои масъала бифаҳмонед. Сипас шояд шавад ҳалли масъаларо пайдо кард. Дар паноҳи Худованд бошед.

Ассалому алайкум бобои Эшон. Аз Худованди Кариму Рахим дарозумри ва амнияту фарогати шуморо хохонам. Сониян аз шумо, ки эътикоди васеъ дорам пурсиданиям,ки оё агар зан бо хохиши мард барои хамхобаги чавоби рад дихад ва мард ба у гуяд, ки хохиши маро рад карди яъне маро аз худ норизо кард ива дар холати газаб гуяд,ки мо бояд аз сари нав никох куне моё зан талок мешавад, ё не?

Саволи дуюм ин, ки агар зану шавхаре,ки байнашон талок афтодааст ва баъди он боз сохиби писару духтар гаштаанд, никох карданашон хатмист ва ё хайр?

Ва алайкумус салому ва раҳматуллоҳ.

 Модоме, ки  лафзи талоқро бо забон нагуфта бошад, талоқ намешавад. Аз ҳамин хотир ба никоҳи нав зарурат нест. Аммо зан ба хотири рад кардани шавҳараш гунаҳкори азим шудааст. Зеро дар ҳадисҳои саҳеҳ омадааст,ки ҳар зане, ки аз шавҳараш пушт гардонида мехобад ва хоҳиши ҳамхобагии шавҳарашро рад мекунад, фариштагон то субҳи ҳамон шаб он занро лаънат мекунанд.

Саволи дуюм як каме нофаҳмо аст. Агар мақсад ин бошад,ки шавҳар занашро дар ҳолати ҳомилагӣ талоқ кардааст ва пас аз таваллуд кардан никоҳашон дубора барқарор мешавад бошад, ҷавобаш ин аст,ки не никоҳ дубора барқарор намешавад. Баъд аз таваллуд кардан он зан метавонад шавҳар кунад. Агар нияташ дубора бо шавҳари аввалааш никоҳ кардан бошад ва талоқаш талоқи раҷъӣ бошад, ё як талоқ ва ё ду талоқ бошад, дар ин ҳолат метавонад дубора никоҳ кунад. Аммо агар сеталоқ бошад, дар ин ҳолат бояд ба олимон муроҷиат кунад. Ба ҳар ҳол  ҳар як ҳолат фатвои хосси худро дорад.

ассаламу алайкум ва рахматулохи ва баракату илтимос ба саволи ман чавоб тихед маро шавхарам якум бор 3 талок дод хотири гудакам хела вакт гузашт рафта бадигар масхаб ривояашро ёфтанд дар дахонаш хамин калима шиштаги аст боз хела вакт гузашт модараш бисьёр чанг мекард бад вай дар сари караш миёмад ча воби маро медод ду бор шуд ки 1талоки дод  илтимос ман мехохам ки зиндагиямон зоз шавад а мо модаронамон намехоханд вай кас хело пушай мони сахт шудаст ман метавонам ки ягон мусалман кати никох кунам амо кати аш зиндаги накунам   бад вай чавобро бидихад  ки шавхарам маро аз сар кабул кунад илтимос як ёрдам кунед ки ман басоволам чавоб бифамхам  рахмат.

Ва алайкумус салом ва раҳматуллоҳ.

 На, хоҳари исломӣ чунин амали гуфтаи шумо аз назари шариат дуруст нест. Шумо бояд бо шахси дигар никоҳи ҳақиқӣ бикунед ва зиндагии табиӣ кунед. Агар рафту зиндагиятон хуб нашуд ва шуморо талоқ дод, дар ин ҳолат шумо метавонед бо шавҳари аввалаи худ  боз боз гарднд. Агар ба шарте, ки нияти шумо ҳалола набошад. Зеро ҳалола дар шариат ҳаром аст.шуморо шавҳаратон се мартаба талоқ дода аст ; якбор 3 талоқ баъд дубор як талоқи. Пешниҳоди ман ин ки  Шумо аслан шавҳари дигар кунед, иншоаллоҳ шавҳаре мекунед, ки шояд аз ин шавҳари аввалаатон беҳтар бошад. Худованд ба шумо бахту руз диҳад

Ассалому алейкум варахматулохи вабаракотух вамагфиратух..

 Домуллои азиз!Ба чавобе,ки Шумо ба суоли тахти №130 гуфтед,ки "шумо назди ягон олими ботақво ва парҳезкор мерафтед"... дар таъчубам.Оё метавонад олими ботакво ва пархезкор талокшударо аз нав ба хамон шавхараш никох кунад.Умуман ба хамин мазмун суолхо хам Шумо,хам Эшони Нуридинчон ва Эшони Махмудчон ин гуна шахсонро ба назди олимони ислом мефиристед.Оё ин масъала халли худро дорад,агар дошта бошад кушоду равшан бояд изхор кунед,агар не гуед,ки намешавад.Хар кас аз ин хел чавобхо хар гуна маъни мебардорад...Агар аз ман густохие шуда бошад аз Шумо узр мепурсам,интизори дуои неки Шумо.

Ва алайкумус салом ва раҳматуллоҳ.

Бародари азиз, масъалаи талоқ бисёр масъалаи нозук аст. Талоқ  ҳолатҳо ва хусусиятҳои гуногун дорад. Аз тариқи телефон ва ё интернет ба масъалаи талоқ намешавад, равшанӣ андохт. Умаман дар олами исломӣ дар гушаву канори дунё аз тариқи интернет ва телефон ба масъалаҳои вобаста ба талоқ одатан посух намегуянд. Аз ин хотир мо ба чунин саволдиҳандаҳо мегуем, ки ба назди ягон олими ботақво,  ки масъалаҳои фиқҳии мазҳаби худамон ва аҳкоми  дигар мазоҳиби аҳли суннат ва ҷамоатро дар ин масъала  хуб медонад биравад. Зеро дар ҳолатҳои муайян, шароитҳои муайян истисноҳо вуҷуд дорад. Бо арзи маъзарат ин талаби шумо дар ин масъала ғайри илми аст. Зеро вуҷуди зану шавҳар дар назди олими фатводеҳ ҳатмӣ аст. Зеро он олим бояд ин масъаларо аз тариқи пурсуҷуи бевосита мушахас ва баррасӣ кунад. Хулоса натанҳо мо балки дар ҳамаҷо масъалаҳои вобаста ба талоқро ба воситаи интернет ва ё телефон фатво намедиҳанд.

Бародари исломӣ, шумо ҳеҷ густохие накардед. Аз сабаби он, ки маълумоти кофӣ дар ин замина надоред, чунин савол додаед. Худованд дар паноҳаш шуморо нигаҳ дорад.

Asalomu Aleikum Wa Rahmatullohi Wa Barakatuhu,

 Agoi Eshon sawoli man hamin ki insonho ishtiboh mekunand wa pason pushaimon meshawem, Man xudam shaxsan 5waxt namozam tark nest wa Quronham mexonam wa 1kori bade kardam ki az zani xud judoshudam zanam ham bad lawu dahon bud wa har chi ki kardam ki xuda isloh kuna nakard wa man majbur shudam ki (talokash diham) wa amo zanam homila bud 1moha wa felan mexoham ki uro ba nikohi xud bugiram rohi hallash chist iltimos barom bufahmoned, man uro 3talok guftam uram dar telefon fakat in gapa u xudash fahmidagiai tamom.

 Dar panohi Olloh boshed.

Ва алайкумус салом ва раҳматуллоҳ.

Бародари исломӣ хуб мешуд, ки шумо назди ягон олими ботақво ва парҳезкор мерафтед ва масъаларо ба он кас муфассал баён мекардед, шояд бароятон роҳи ҳаллашро пайдо мекарданд. Худованд шуморо хушбахт гардонад.

Хазрати Хочи Акбар ассалом!

 Аз Шумо мадад мепурсам дар мавзуи нозуки Талок.

 Хамкори ман, зани сиву чорсола сохиби ду фарзанд асту хичобпуш.  Уро барои хичобпушиаш дар идораи хукумати кор кардан намонданд. Ин мушкили як тараф, вале ин оила гирифтори мушкилии сангинтар шуда.

 Се сол пеш бо хамсараш гапашон мегурезад ва хулоса зан аз шавхар талаб мекунад, ки се талокаш кунад ва агар накунад, зан хам худаш ва хам ду кудакашро мекушад.

 Шавхар аз тарс се талок медихад.  Дуяшон имруз сахт пушаймонанд.  Ба чанд мулло мурочиат карданд, рохи ошти нест мегуянд.  Ман аз ислом андак мефахмам ва гуфтам, ки ислом хамеша осонии мусулмонро мехохад.  Агар ин ду ошти накунанд, бачахо сагира барин ва шояд яке ба зино зам дар оянда равад.  Бинобарин ман тасаллояш додам, ки хохар, се талок мазмуни се бор талок доданро дораду раками талок як, се ё сад маъно надорад.

 Се бор талок додан ин маънои онро дорад, ки ду бори аввал ба инсони хому кутохандеш огохи аст.  Хазрат, илтимос, ба ин оилаи мусулмонон мадад расонед. ва рохашро бигуед.  Ё ба наздатон раванд, рохашро нишон медихед?  Дар панохи Худованд бошед.  Чор руз пеш дар Камароб боз сенздах нафар аскарони хукумати бо гунохи худашон кушта шуданд.  Як сарбоз ба миномёт мина гузошта будаасту дигаре ба болои он боз минаи дигар мондааст.   Миномёт таркида, 13 нафар кушта шуданд.  Чамъ зиёда аз сад нафар аллакай кушта шуданд.

 Бо эхтиром,

 Сохиб,  Душанбе.

Ва алайкум салом ва раҳматуллоҳ.

Бародари азиз! Ҷавоби ман ба ин саволи шумо инаст, ки ҳамон зану шавҳар ягон руз вақти намози аср ба масҷиди мо оянд, иншоаллоҳ дар якҷоягӣ роҳе барои ҳалли мушкилии эшон хоҳем пайдо кард. Фақат шарт ҳамин, ки ҳардуяшон биоянд ва вазъият аз забони худашон муайян гардад. Ман гумон мекунам, ки шояд барои ҳифзи оилаи онҳо роҳе пайдо шавад.

Устоди арчманд аввалан аз даргохи илохи саломатии шуморо хохонем,баъдан суоле дорам Илтимос ба масъалаи даст додан равшани андозед имруз дар байни чавонон масъалаи даст додан ба сифати талоки хамсар роич мебошад.Дуввум шахсро бо занаш касам додан дар ислом чи хел аст.Устоди гироми имруз ин падида як омили маъмуле дар байни карздору карзхох роич шудааст.Дар охир худованд шуморо ва кормандони сомонаро нигабон бошад.

Ва алайкумус салом ва раҳматуллоҳ.

Бародари исломӣ, аслан бо талоқ қасам хурдан ин гуноҳи кабира аст. Зеро никоҳ як чизи хеле муқаддас аст. Паёмбари Худо (алайҳиссалом) дар фармудаҳои худ умматашро аз чунин рафтор наҳй кардаанд. Аз ин сабаб ҷавонон аз чунин кор даст кашанд ва дар кору муомилоти худ калимаи талоқро истифода набаранад. Худованд шуморо нигаҳбон бошад.

Бо саломи фаровон Устоди арчманд!

 Хамсарам солхо пеш дар баробари мехмони гиромие ки аз асотид буд беадаби намуд ман низ асабони шуда уро талок додам.Соле чанд гузашту ин талок дубор иттифок афтод.Ин навбат низ ручуъ намудам. Панч сол дармиён ин ходисаи талх барои бори севвум сурат гирифт.Хашт фарзан дорам.Се сол боз чудо зиндаги дорем.

 Дар як хавли зиндаги мекунем.Ин масала сиррест байни мо ва фарзандон.Бехтарин рох ба назари шумо кадом аст?

Ва алайкум салом ва раҳматуллоҳ.

Бародари исломӣ тибқи ягон мазҳаб шумо дубора имокияти руҷуъи дафъаи чаҳорумро надоред. Хуб мешавад, ки шумо ҳамсари дигар бигиред. Худованд нигаҳбонатон.

Ассалому алайкум ва рахматуллох

 Хохишмандам ба саволхои зерин чавоб гуед

 1) Марде  ба модараш гуфт  агар  хохарамро ба фалон кас ба шавхар дихи занам талок. Хохари  уро ба хамон шахс  ба шавхар додан. Оё зани ин мард талок шуд? Агар не бошад максади савол ин аст ки шарт ба чо омадааст.

 2) Оё дар  35 ё 40 дакика пас аз шом хондани  хуфтан  дар макрухоти намоз дохил аст  ё дар  фосидот? Хохишмандем бо далелхо фахмонед?

Ва алайкумуссалом ва раҳматуллоҳ

1) Занаш талоқ шуда аст.

2) Фақат баъд аз 1 соати вақти шом вақти хуфтан медарояд, баъд аз 30 ё 40 дақиқаи шом намози хуфтанро хонанд намозашон намози хуфтан ҳисоб намешавад, зеро ҳануз дар ин муддат вақти намози хуфтан надаромадааст.

 Салом аз хохари исломии Шумо аз ш.Кулоб!

 Мухтарам бобои хочи баъд аз се талок кардани мард бо зан, зиндаги давом ёбад чи мешавад. Илтимос ба саволи ман чавоб гардонед.

 Бо эхтиром Сайёра!

Ва алайкумуссалом ва раҳматуллоҳ

Баъди 3 талоқ зан аз мард ҳатман бояд ҷудо шаванд , идомаи зиндагии муштарак маънои зино карданро дорад. Ин мард ё ин зан аз ягон олими худотарс доир ба ин масъала суол кунанд , агар дар китобҳои шаръӣ роҳе барои ҳалли ин масъала бошад ин олими ботақво метавонад ба хотири ҳифзи оила 3 талоқи онҳоро 1 талоқ ҳукм намояд, агар ин талоқ дар як макон ва бо як лафз воқеъ шуда бошад.  Хулоса бидуни фатвои олимҳо идомаи зиндагии онҳо ҳаром аст.