Assalom. Boboi domullo dar namozhoi farz oyo mo metavonem duo va hohishoti hudro dar sajda zikr kunem. Dar hifzi alloh boshed.

Ва алайкумуссалом  ва раҳматуллоҳ.

Бале, метавонед дар вақти саҷда дуо кунед. Аммо дар намозҳои фарз беҳтараст, ки дуо бо забони арабӣ бошад. Дар намозҳои нафл метавонед дуоро бо забони форсӣ анҷом диҳед. Дар паноҳи Аллоҳ бошед

assalamu aleykum va rahmatullohi.hojijon man ba'di namozi bomdod duo meguyam va dar hakki oilai shumo ham niz duoi hayr mekunam ammo ba'di namozhoi boki tanho oyat-al-kursi-ro mehonam pas salavot roi mekunam va bo 1 duo anjom mediham. in amali man durust ast?yo yagon suraro ham zam kunam va savobashro ba kasone,ki hakki duo doran bahsham?dar hakki man duo gued.vassalamu aleykum.

Ва алайкумус салом ва раҳматуллоҳ.

Ин амали шумо дуруст аст. Зеро дуо баъди намоз мустаҳаб аст. Инчунин агар баъд аз намоз қироати сура накунед боке надорад. Худованд нигаҳбонатон бошад.

Асалому алейкум ва рахматулохи ва баракот домлои мухтарам  саволи  ман ин аст, ки онхо намозро камтар дигар мехонанд дар саф кифу пойхояшон бо хамдигар чафс ва дар вакти хондани аттахёт чиликашонро тоб медиханд барои хамин аз Шумо пурсонам, ки хондани намоз бо онхо равост ха ё не хохишмандам ба саволи ман чавоб гардонед худо нигахбони ШУМО

Ва алайкумус салом ва раҳматуллоҳ.

Бо онҳо намоз хондан ҷоиз аст. Дар паноҳи Аллоҳ бошед.

салом алекум бобои ешон ба саволам чавоб гуед бо арзи ехтиром намози тахачудро чанд ракат хонем ?

Ва алайкумуссалом ва раҳматуллоҳ.

Намози таҳаҷҷудро аз 2 то 12 ракаат хонда мешавад. Дар паноҳи Аллоҳ бошед.

Асаломуалейкум бобоиешон илтимос ба саволи ман посух дихед,дар вакти хутбаи намози чумьа кироати емом шуруь мешавад бисёр бародархо катори емом гапи дунёи мезананд намози чумьаи омагиашон чи мешуда бошад илтимос бобочон посухро васеь шахр диед.

Ва алайкумуссалом ва раҳматуллоҳ.

Бародари исломӣ, агар дар вақти хутбаи ҷумъа суҳбат кунанд гунаҳкор шуда, аз савоби намози ҷумъа маҳрум мешаванд. Зеро гуш додан ба хутба воҷиб аст. Дар паноҳи Аллоҳ бошед.

Асаломуалейкум бобои ешон,илтимос ба саволхои ман посух дихед,ки хеле бароиман зарур аст,дар хонаи мо хешутаборхо меояанд ман дар вакти намоз онхоро ба масчид даьват мекунам онхо намераванд аммо ман онхоро монда масчид меравам гухнагор мешавам ёна.

Ва алайкумуссалом ва раҳматуллоҳ.

Бародари исломӣ, вақте шумо онҳоро ба намоз даъват карда бошед, гунаҳкор намешавед. Худатон рафта намозро бихонед. Дар паноҳи Аллоҳ бошед.

салом бобои ешон суоле дорам намози таачудро чан ракат хондан афзалтар аст ?

Ва алайкумуссалом  ва раҳматуллоҳ.

Бародари азиз хондани намози таҳаҷҷуд афзалаш 12 ракъат аст.

Bahrom

Assalom allaikum Barodar Turajonzoda! Man donishjui kursi 3 Donishgohi Olmon hastam. Harakat doram inshoalloh 5 vaqt namoz honam. SAVOL: Charo Namozi Mazhabi Tojikon yane Abu-Hanifa az Namozi Paygambar farqe dorad? Man hamchun Tojik, chi hel boyad namoz honam? Agar metavonisted ba man yak dasture firistoned, chi hel man boyad namoz honam, hele az shumo minattdor meshudam. Tashakur! Assalomu Allaikum!

Ва алайкумус салом ва раҳматуллоҳ.

Бародари исломӣ, Худованд шуморо нигаҳбон бошад ва қадамҳои шуморо дар роҳи дини муқаддаси ислом мустаҳкам бигардонад. Тарзи намозхонии мазҳаби мо бар асоси намозгузории Паёмбари Худо (алайҳиссалом) мебошад. Ба унвони мисол дар ҳадисҳои саҳеҳ омадааст Паёмбари Худо (с-с) гоҳо дасти худро бар зери ноф гузошта намоз мехонданд ва инчунин бар руи сина гузошта низ намоз мехонданд. Ҳамаи мазҳабҳои аҳли суннат дар тарзи намозгузорияшон бар тибқи фармудаҳои Паёмбари Худо (алайҳиссалом) амал мекунад. Вале насиҳати ман ба шумо ин аст, ки шумо мувофиқи мазҳаби худамон намоз хонед.

Мухтасари равиши намоз бар асоси мазҳаби мо чунин аст: 

Равиши адои намоз

Такбир :  Аллоҳу Акбар ( Худованд аз ҳарчиз бузург аст)

Сано :      Субҳона калло хумма ва биҳамдика ва табара касмука ва таъоло ҷадука ва лоилоҳа ғайрук.

 ( Боро Худоё Номи гиромии ту бисёр бо баракот аст. Ва азамат ва ҷалоли ту бисёр воло, ва ба ҷуз зоти покат ҳеҷ маъбуде шоитсаи парастиш нест) .

Таъвиз :  Аъузу биллоҳи минаш шайтонир раҷим. (Ба Аллоҳ паноҳ мебарам аз шарри шайтони мардуд ва лаъин)

Тасмия : Бисмиллоҳир Раҳмонир Раҳим. ( Баноми Аллоҳ оғоз мекунам , ки бисёр бахшанда ва меҳрубон аст.

Рукуъ :    Яъне тасбеҳ дар ҳоли хамшудан (Субҳона раббиял ъазим) Тасбеҳ ва покии парвар дигори хешро баён мекунам.

Қавма:     Яъне гуфтани тасбеҳ ба ҳангоми боло рафтан аз рукӯъ.” Сами ъаллоҳу ли ман ҳамидаҳ ”Худованд хамди касеро шунид, ки ӯро сипос гузори мекунад.

Ҳамди қавма : “ Раббано лакал ҳамд” Тамоми хубибиҳо махсуси ту ва барои ту аст.

Саҷда :   Яъне тасбиҳ дар ҳоли гузоштани сар ба замин. “Субҳона раббиял аъло”  Тасбиҳи парврдигори воло ва бартари хешро баён мекунам.

Ташаҳҳуд ё аттаҳиёт : Аттаҳиёту лиллоҳи вассалавоту ваттаййибот, ассалому алайка айюҳан набию ва раҳматуллоҳи ва баракотуҳу , ассалому алайно ва ъало ъибадиллоҳиссолиҳин , ашҳаду аллоилаҳа иллаллоҳ ва ашҳаду анна Муҳаммадан ъабдуҳу ва расулуҳ.

Тарҷума : ” Тамоми ибодати қавлӣ ва тамоми ибодати бадани махсуси Аллоҳ анд, салом бар ту эй Паёмбар ва раҳмат ва баракоти Аллоҳ бар ту бод, салом бар мо ва бар бандагони неки Аллоҳ. Гувоҳӣ медиҳам, ки ба ҷуз Аллоҳ дигар маъбуде нест ва гувоҳӣ медиҳам, ки Муҳаммад банда ва расули Аллоҳ аст”.

Дуруди шариф: “Аллоҳумма салли ало Муҳаммад ва ъало оли Муҳаммад, камо саллайта ъало Иброҳима ва ало оли Иброҳима иннака ҳамидум маҷид”.

Тарҷума:“Худовандо бар Муҳаммад ва оли Муҳаммад раҳмат нозилкун ҳамон гунае, ки бар Иброҳим ва оли Иброҳим раҳмат нозил фармуди. Ҳамоно ту сутудашуда ва бо азамат ҳасти. Худовндо бар Муҳаммад ва оли Муҳаммад баракт нозилкун ҳамонгунае, ки бар Иброҳим ва бар оли Иброҳим баракот нозил фармуди. Ҳамонотусутудашуда ва боазамат ҳасти“.

Дуои баъд аз дуруд: Аллоҳумма инни заламту нафси залман касиран, ва ло яғфируззунуба илло анта , фағфирли мағфиратам мин ъиндика варҳамни инака антал ғафурур раҳим.

Тарҷума : Худовандо ҳамно барнафси хеш зулми бисёр кардам шак нест , ки ба ҷуз ту дигар касе гуноҳонро намеомурзад. Пас маро бо омурзиши хоси худ биё мӯрз ва бар ман раҳмат намо. Ҳамоно ту бахшанда ва меҳру бон ҳасти.

Салом:Ассалому алайкум ва раҳматуллоҳ.

Тарҷума : Салом ва раҳмати илоҳӣ бар шумо бод.

‌‌Дуои баъд аз намоз : Астағ фируллоҳ, Астағ фируллоҳ, Астағ фируллоҳ, Алоҳумма антас салом ва минкас салом , таборакта ё зулҷлоли вал икром.

асалому алайкуи бобои эшон Худованд шуморо нигаҳбон бошад. Туҳматҳое ки дируз ба сари шумо бор кардаанд мо мухлисони шумо огоҳ шудему хело ғамгин шудем Худованд ин туҳматгаронро хору залил гардонад. Савол аз мулое шунидам ки намози қазоии гузаштаро дар агар 4 раката бошад дар ҳар ракаташ баъди сураи алҳам сурае мехони оё ин фикри ин муло дуруст аст Фарқияти хондани намози қазоии имрузаро аз гузашта барои мо мефаҳмондед

Ва алайкумус салому ва раҳматуллоҳ.

Бародари исломӣ ин дар ҳолатест, ки шумо адади намозҳои қазоиятонро намедонед. Масалан шумо фақат ҳамин қадар медонед, ки шаш моҳ намозҳоро қазо кардаед ва ғайри ин шаш моҳ дигар намозҳои қазоиро ададашонро яқин намедонед. Дар ин ҳолат он шаш моҳ намозҳои қазоиро  ду ракааташро бо сура ва ду ракаати дигарашро бесура мехонед. Аммо он намозҳои қазоиеро, ки ададашонро намедонед ҳар чаҳор ракаати онро бо сура мехонед. Ин ба он хотир аст, ки агар рафту шумо қазоӣ надошта бошед он намози шумо нафл ҳисоб шавад. Намози нафл бошад ҳама ракаатҳояш бо сура мебошад. Дар паноҳи Аллоҳ бошед.

ассалам домуло мухтарам намози таробихро нахони гунох хаст.

Бале, гуноҳ аст.

салом домуллои мухтарам мехохем дар бораи намози каср ба мо мусофирон нависед дар панохи худо бошед

Ва алайкумус салом ва раҳматуллоҳ.

Намози қаср барои шахси мусофир аст. Мусофир касе аст, ки нияти аз 15 руз камтар истиқомат карданро дар минтақаи аз ҷои сукунаташ 80км дур дорад. Тариқа намози қаср чунин аст, ки намозҳои чаҳорракаатаро ду ракаат мехонад. Намози шом пурра хонда мешавад. Инчунин дар сафар хондани суннатҳо беҳтар аст. Дар паноҳи Аллоҳ бошед.

Асалом бобои эшони хочи Акбар ман суоле дорам илтимос чaвоб гуед 1 дар намози 3 ракатаи шом ракати охири фарзро бо чамоат дарёб кардам чихел бояд хонам?

Ва алайкумус салом ва раҳматуллоҳ.

Дар чунин ҳолат ҳамон як ракаатро ҳамроҳи имом мехонед. Имом, ки салом дод шумо аз ҷо хеста як ракаати дигар бо замми сура хонда мешинед ва ташаҳҳуд мехонед. Сипас боз аз ҷо хеста як ракаати дигар хонда мешинед ва ташаҳҳудро ҳамроҳ бо салавотҳо хонда салом медиҳед. Хулоса шумо дар ҳамаи ракаатҳо қаъда анҷом медиҳед. Дар паноҳи Аллоҳ бошед.

ассала муалуйкум эшони Хочи Акбар ман намоз мехонаму аммо сигарет мекашам намози ман дуруст мешавад е не?

Ва алайкумус салом ва раҳматуллоҳ.

Бародари исломӣ намози шумо иншоаллоҳ дуруст аст. Вале кушиш кунед кашидани сигаретро партоед. Зеро  ҳам барои саломатии шумо зарар дорад ва ҳам аз назари ислом ҳаром аст. Худованд шуморо қувват диҳад, ки аз ин амал худро дур бигиред.

Асалому аслайк ва-баракат! худованд шуморо дар хивзу панохаш нигах дорад. домуллои мухтарам дар намози чахор ракаата чахорум ракааташро дарёб карди баъдан ракати сониашро хонда атахиёт мехонем, ё дар ракати сеюмаш. худованд шуморо нигах дорад!!!

Ва алайкумус салом ва раҳматуллоҳ.

Дар намози чаҳорракаата агар шумо фақат як ракаати охирро дарёб кардед дар ин ҳолат баъд аз салом додани имом аз ҷо хеста як ракаати дигар бо замми сура хонда мешинед ва ташаҳҳуд мехонед. Сипас ду ракаати дигарро хонда салом медиҳед. Дар паноҳи Аллоҳ бошед.

Ассалому алайкум, Бобои Эшон.. МАН БА МАСЧИД ДАРОМАДАМ ВА ДИДАМ, КИ ПАРОКАНДА НАМОЗ МЕХОНДАНД МАНХАМ БА НАМОЗ ШУРУЪ КАРДАМ БАД ФАХМИДАМ, ЯК ГУРУХИ НАМОЗХОНОН ЧАМОАТ МЕХОНДАНД ВАЛЕ МАН НАМОЗАМРО ДАВОМ ДОДА БА ЧАМОАТ ХАМРОХ НАШУДАМ. ОЁ МАН ГУНАГОР ШУДАМ? Ё НАМОЗИ ХОНДААМ ЧИ МЕШАВАД?

Ва алайкумус салом ва раҳматуллоҳ.

Вақте, ки шумо намозро хондед ва баъд аз он фаҳмидед, ки дар гушаи масҷид ҷамоат будааст, дигар намоз ҷамоъат аз гардани шумо соқит аст. Шумо фақат аз савоби ҷамоат мондед аммо иншоаллоҳ намози шумо қабул аст. Худованд нигаҳбонатон.

Хондани намози қазои пешин

Ассалому алайкум Домулло, бо вучуд набудани вакт ва чои мувофик ман панч руз дар хафта намози пешинро факат казо мехонам. Ба ман вакти дурустарини хондани намози казоро бигуед, илтимосам хамин аст. Ман казои пешинро дар вакти намози хуфтан, пеш аз витри вочиб мехонам. Ин дуруст аст? Барои чавобатон сипосгузорам.

Ва алайкумус салом ва раҳматуллоҳ.

Бародари исломӣ, кушиш кунед намози пешинро дар вақташ бихонед. Агар ҳеҷ илоҷ, ки надошта бошед, ақаллан пеш аз асри ҳамон руз бихонед. Худованд нигаҳбонатон.

Ассалому алейкум домулло Хочи Акбари Турачонзода, Ман хурсанд аз онам, ки интернет имконияти хубро барои хамаи мо фарохам овард ва чанд суоле доштам: 1. Домулло агар сахехтар мефахмондед оида дар вакти "Аттахиет" бардоштани ангушти нишондихандаи дасти ростро. (Дар хорича шохиди он будам, ки баъзехо ангушташонро дар холати харакати боло ва поен карор медиханд аммо дасташон рост дар болои зону хаст, баъзехо дасти росташонро халка кадра танхо ангушташонро боло мекунанд ва баъзехо дасти росташонро мушт карда ангушташонро мебардоранд) Ва худи Шумо чи тавр мехонед? 2. Оиди баланд гуфтани "Омин!" ва дастхоро боло бардоштан дар вакти пеш аз рукуъ. 3. Лутфан бигуед, обе, ки аз мардина (на мани) дар вакти дар холати шахват будан мебарояд ва катраи он ба либос мерасад, бо ин либос (албатта баъди хушк шудан) намоз хондан мумкин аст ва е бо либосе ки катрае аз оби мани расидааст (албатта агар доги он дар либос намонда бошад

Ва алайкумус салом ва раҳматуллоҳ.

1) Бардоштани ангуштро дар вақти ташаҳҳуд ишораи саббоба мегуянд. Дар ин бора ҳадисҳои фаровоне ривоят шудааст. Ҷумҳури уламои ислом онро суннат мегуянд. Ҳолати иҷроиши он ҳар хел омадааст. Худи банда се ангуштамро ҷамъ намуда, ангушти пеш аз саббобаро бо ангушти баъд аз он буда ҳалқа мекунам ва сипас ангушти саббобаро мебардорам.

2) Дар мазҳаби мо «омин» ро баланд намегуянд ва дастҳоро низ дар вақти такбир намебардоранд.

3)  Он оберо, ки шумо гуфтед, мазӣ мегуянд. Дар ҳолати расидани он бар либос ҳамон ҷои расида шуста мешавад. Аммо агар оби манӣ барояд, баъд аз хушк шуданаш мешавад, ки онро бо молиш пок кунед. Худованд нигаҳбонатон.

Домулло як савол дорам.Вакти намоз ояд,намозро дар сари рул дар мошин е дар дигар транспорт(метро,электричка)хондан мумкин аст е не?.Барои козо нащуданаш.

Ва алайкумус салом ва раҳматуллоҳ.

Вақти намоз агар шумо худатон дар сари чамбари мошин бошед, бояд мошинро нигоҳ дошта, аз он фаромада намоз хонед. Аммо агар ҳаво сард бошад ва дар берун ҷои намозхонӣ набошад ва ё ягон хавф бошад, дар ин ҳолат мошинро нигаҳ дошта, ру ба қибла дар ҷои шиштатон намоз мехонед. Аммо агар худатон дар сари фармони мошин набошед, масалан дар метро бошед, дар ин ҳолат бо ишора намозро дар ҷои нишастатон мехонед. Худованд нигаҳбонатон.

Ҳукми хондани фарзи эҳтиёти пешин дар рузи ҷумъа

Салом Хочи! Бубахшед як чанд маротиба саволамро мефиристам,вале аз чониби бародарони Шумо посухе намегардад. Ин дафъа низ бовари дорам,ки мисли харвакта мешавад. Дар нохияе будам. Аниктараш дар дехе,ки зиёда аз 1500-2000 ахоли дорад,вале намози рузи чумъаро 16 ракъат мегузоранд. 4 ракъат фарз ва 2 ракъат суннати пас аз чумъа. Муфассалан мегуфтед,ки оё чунин тарзи намозгузори дуруст аст ё не? Чунки онхо дар китобхо ичозат дода шудааст мегуянд.

Ва алайкумус салом ва раҳматуллоҳ.

Бародари исломӣ, шояд шумо фарзи эҳтиётиро дар назар дошта бошед, ки баъд аз намози ҷумъа чаҳор ракаат пешин хонда мешавад. Аммо ду ракаати изофии дигар, ки гуфтед шояд таҳияи масҷид бошад, ки дар ибтидо хонда мешавад. Локин агар он ду ракаат таҳияи масҷид набошад ин дигар ҳамоқати ҳамон мардуми деҳа аст. Хулоса дар мавзуъи чаҳор ракаат фарзи эҳтиётӣ байни уламо ихтилоф аст. Баъзе уламо мегуянд, ки дар ҷойҳое, ки ҳукумат бо ислом душманӣ дорад ва инчунин дар ҷойҳое, ки шаҳр набошад, бояд баъди ҷумъа фарзи эҳтиётӣ хонда шавад. Ин масъала модоме, ки ихтилофӣ аст, пас набояд мо дар сари ин масъала ихтилоф накунем. Касоне, ки фарзи эҳтиётӣ мехонанд ба онҳо мо бояд кордор нашавем. Аммо мо фарзи эҳтиётӣ намехонем. Зеро мо барои нахондани фарзи эҳтиётӣ далелҳо дорем. Зеро дар як вақт як фарз хонда мешавад ва ду фарз дар як вақт ҷамъ намешавад.

асалому алейкум ав рахматулохи ва баракту илтимос ба саволи ман чавоб дихед дар кухистон дар болои алаф намоз хондан мункин аст

Ва алайкумус салом ва раҳматуллоҳ.

Бале мумкин аст.

Ассалому алейкум ва рахматуллохи ва баракотух! Мухтарам Устод Хочи Акбар, Шукри Парвардигори бузург, такрибан якуним сол аст, ки намозро шуруъ кардам ва аз он дам умуман кушиш ва харакат дорам дар зиндагиам аз руи талаботи дини мубораки Ислом ва суннати Расули Акрам (саллаллоху алайхи вассаллам) рафтору кирдор намоям. Акнун мехохам, ки иншаоллох хамсарам хам намоз хониро шуруъ кунад. Ва саволам чунин аст: Оё якчоя намоз гузоштани шавхар ва хамсараш аз нигохи дини раво аст? Агар раво аст, дар чи шакл? Лутфан ин масъаларо каме шарх медодед... Худованд барои захматхоятон магфират ва мархамати илохии худро ато кунад. Ташаккури зиед. Бо эхтиром Бехруз

Ва алайкумус салом ва раҳматуллоҳ.

Якҷоя намоз хондани зану шавҳар ҷоиз аст. Тариқаи намозхонияшон чунин аст, ки  шавҳар имом мешавад ва ҳамсараш аз пушти вай саф  мегирад. Дар вақти саҷда кардан бояд зан аз пушти мард бошад, на баробар бо вай.  Дар хона намозҳои фарзиро хондани шавҳар  агар ба ҳадафи чигунагии намозро ба зан таълим додан бошад, боке надорад. Вале набояд дар маҳаллаҳое, ки масҷиди панҷвақта дар он аст, намозро ҳамеша бо ҳамсар дар хона хонад. Зеро хондани намоз дар масҷид воҷиб аст.  Худованд шуморо нигаҳбон бошад.

 асаломуалайкум варахматулох устоди азиз ман як суол дорам мо як гурух дар шахри новосибирск дар як бозор намози чумъа мехонем дуто кантенер ба номи масчид аст ое намози чумъа дуруст мешавад е не ва домулой мо мегуяд ки баъди фарзи чумъа фарзи эхтиети пешинро хонед зеро пайгомбар хондаги аст ое кантенер хукми масчидро дорад е не ое мо фарзи эхтиети бихонем е не илтимос интизори чавоб астем бо эхтиром як мухлиси шумо

Ва алайкумус салом ва раҳматуллоҳ.

Паёмбари Худо (алайҳиссалом) ҳеҷ вақт фарзи эҳтиётии пешинро нахондааст. Балки инро уламоҳо ва муҷтаҳидон дар ҷойҳое, ки шубҳа дар шарту шароити ҷумъа аст, иҷоза додаанд. Бинобар ҳамин ин ихтиёри шумо аст. Ҳатто дар дохили Тоҷикистон ҳам ин масъала масъалаи ихтилофӣ аст. Шумо агар бихоҳед бихонед. Зеро дар ин масъала ду қавл аст. Худованд нигаҳбонатон.

B.KH.B.M. Salom Barodari islomi,suoli man in ast: Man solhoi ziyod namozi qazoi doram,ammo hozir bazan namoz mekhonam bazan ne,chunki felam bisyor bad ast,khayol mekunam liboshoyam makruh ast bisyortar azrui hamin namozro qazo mekunam,bachai 1nim sola doram,lekin bovujudi in bazan vaqt namozamro boliboshoi tozayi ozoda ba jo meoram,hamon ri=uze namoz namekhonam man khobi orom nadoram bisyor asabi meshavam shavharam meguyad,ki vaqte namoz namekhoni shayton dugonai ti meshavad bisyor vahshi meashavi ba man dagalona muomila mekuni urost meguyad,haminki namozro khondam manro shinokhta nameshavad mehrubonu sabur va nihoyat orom meshavam khudamro odam his mekunam ,ihro chand solast ki medonam,Qurboni shumo shavam iltimos ba man kumak kuned,khudo umri dodarakamro daroz kunad,ki inro ba man u nishon dod,dodaram baroi man hattogirya mekunad,mehuyad ki metarsam,ki boz tu dar peshgohi KHudo munofiq naboshi khudam niz in fikrro mekunam shumo chi megued oyo ygon sura yo duoe nest ,ki man az in bemori khalosi yobam mekhoham doim onro zeri zabonam khonam chunki man dar barobari chunin asabi budanam boz yak dili bisyor hasos doram,ki az girya bazan peshi KHUdoi mehrabon dilamro pok mesozam,to ki ba in dardam davo bakhsad. Gunohi digari man in bajo naovardani satr azt harchand banda azovoni kudakiam az hamai in chizho ogahi doram,ammo in niz muhtavoi guftahoi bolost ,barodari aziz oyo man munofiqam?bo kamoli ehtirom 1nafat khohari shumo. Khudovand shumoro nigah dorad.

Ва алайкумус салом ва раҳматуллоҳ.

Хоҳари исломӣ, Худованд ба шумо оромиши қалбу хотири ҷамъ насиб кунад. Намоз ин рози банда бо Худост. Намоз ин робитаи банда бо Худост. Инсон дар намоз Худои Қодиру Алим, Ғафуру Раҳимро мадҳу ситоиш мекунад ва баъд аз он ҳоҷат мепурсад. Ҳоҷати асосие, ки мусалмон мепурсад, дар сураи “алҳамд” аст, ки мо аз Худо мепурсем, ки Худовандо моро ба роҳи рост ҳидоят кун!. Хулоса агар шумо дар намозатон бо ҳамин ақида ва бо ҳамин дидгоҳ намоз хонед, намоз шуморо аз роҳи бад боз медорад. Аммо агар шумо намоз хонеду сатр надошта бошед, ин намози шумо намози механикӣ аст ва руҳу ҷон надорад. Худованд дар Қуръон мегуяд, ки “Намоз шахси намозгузорро аз корҳои фаҳшо ва гуноҳ бозмедорад”. Пас вақте, ки шумо намоз мехонеду боз бесатр мегардед, ин маънои онро дорад, ки шумо он намозеро, ки Худованд хостори он аст, ки анҷом намедиҳед.

Аммо дар масъалаи либосҳои бенамоз бошад, то қаноат пайдо накунӣ ва яқин накунӣ, ки либосат бенамоз аст, бо ҳамон либос намоз хонда мешавад. Либос бо шакку шубҳа бенамоз намешавад. Шояд он васвасаи шайтонӣ бошад. Агар рафту чунин васваса дар шумо зиёд бошад, шумо метавонед барои намоз либоси алоҳида бигузоред ва фақат дар вақти намозхонӣ онро бипушед. Хоҳари исломӣ шумо худатонро маҷбур кунед, ки ҳиҷоб ба бар кунед. Зеро ҳиҷоби исломӣ барои занҳои мусалмон фарз аст. Бинобар ҳамин ин амали шумо хуб намебошад. Шумо илова ба намоз ҳар руз зикри Худоро зиёд гуед. Астағфируллоҳ, Субҳоналлоҳ, Алҳамдуллиллоҳ ва Аллоҳу Акбарро садҳо бор такрор кунед. Уламои ислом гуфтаанд, ки васвасаи шайтонӣ бештар аз сабаби гуноҳони зиёд мешавад. Бинобар ҳамин шумо дар ибтидо кушиш кунед, ҳиҷоби исломиро риоя кунед. Худованд шуморо дар ин роҳ муваффақ гардонад.

Ассалому алайкум Акай Хочи Акбар суоле дорам, дар охири намоз вакте ки салом медихем ба харду тараф, дар вакти салом додан чи гуфтан даркор??? бе гайр аз ассаламу алайкум ва рахматуллох гуфтан??? Худо умри шуморо дароз бигардонад, ва хона обод бошен!!!!

Ва алайкумус салом ва раҳматуллоҳ.

Бародари исломӣ агар шумо танҳогузор бошед баъд аз “Ассалому алайкум ва раҳматуллоҳ” ба дилатон “валмалак” мегуед. Аммо агар дар ҷамоат бошед ба дилатон “валмалаку валбашар” мегуед. Ин як амали мустаҳаб аст.

Ассалому алайкум эшони домулло. аз шумо хохиш дорам, ки ба саволам чавоб гуед. Баъзе ашхос мегуянд, ки намози аср то казо шудани намози шом казо намешавад. Яъне дар вакти шом пеш аз шом хондан аср хони чоиз аст. Оё ин дуруст аст? Ташаккур!

Ва алайкумус салом ва раҳматуллоҳ.

Бародари исломӣ ин гуфта хато аст. Дурусташ ин аст, ки то дохил шудани вақти шом намози аср қазо намешавад. Яъне ҳамин, ки намози шом дар аввали вақт даромад, намози аср қазо мешавад.

ассаламу алайкум ва рахматулохи ва баракату илтимос ба саволи ман чавоб тихед Доммлои азиз як салоле доштам Агар басафар барои намозро чигуна мехони Мисол,манвахте ки басафар ба камандирофка мерам маро Аз чои кор ба мухлати 15-руз камандирофка метиянм ман дар мудати 15-руз намозамро чигуна мехонам.

Ва алайкумус салому ва раҳматуллоҳ.

  Агар ба шарте шумо нияти 15 руз дар ҳамонҷо монданро дошта бошед ва ҷои худро иваз накунед, дар ин ҳолат намозатонро пурра мехонед. Аммо дар роҳ то расидан ба мақсад намозҳоро қаср мехонед. Локин агар камтар аз 15 руз монед қаср мехонед. Худованд нигаҳбонатон бошад.

Assalomu aleykum hazrat/ yak savol .

man imruz 4 namozro kazo kardam. baroi har yak namozi kazoi azon dodan darkor ast???dar borai kazoi suhan mekarden!!!!

Ва алайкумус салому ва раҳматуллоҳ.

  Бародари исломӣ, Муҳаммадҷон. Воқеан барои шумо мусибати бузурге шудааст, ки чаҳор намозро қазо кардаед. Муртакиби гуноҳи кабира шудаед. Барои ин коратон аз даргоҳи Худованд  истиғфор кунед. Зеро қазо кардани намоз  гуноҳи кабира ва вазнин аст. Агар аз қазо шудани намоз инсон нороҳат ва дилтанг нашавад, ин нишонаи он аст, ки ҳамон инсон тарсе аз Худо дар дилаш нест. Худованди Карим дар Қуръон дар зикри ҳоли шахсоне, ки намозҳои худро қазо мекунанд, чунин фармудааст: «Пас вой бар ҳоли он намозгузороне, ки аз намози худ ғафлат меварзанд» сураи Моъун ояҳои 4-5.

Барои хондани намозҳои қазоӣ бояд барои ҳар як намози қазошуда азон ва такбир гуед.

Ҳукми хондани намози аср баъд аз шом

Ассалому алайкум ва рахматуллох

Шахсе дохили масчид шуд ва шомро бо чамоат хонд. Ин шахс намози асраш казо шуда буд. Оёасро хонад дар масчид азон мегуяд ё азони шом кифоя?

Ва алайкумус салому ва раҳматуллоҳ.

  Бале метавонад бо овози паст азон гуяд ва сипас такбир гуфта қазоии асрро мехонад.Зеро азон суннат аст. Дар паноҳи Худо бошед.

Ассалому алайкум устоди гиромикадр. Лутфан ба саволи ман чавб гуед. Дар вакти намози чамоат хонданамон дар масчид телефони яке азбародарони намозгузор занг зад як бор, дубор ва зиёда аз он, баъд аз он яке аз бародарон аз эмоми масчид савол кард, ки оё сохиби телефон метавонад, ки телефони худро дар ин сурат хомуш кунад ё яке аз тугмачахояшро зер кунад, то музоими дигарон нашавад? Имоми масчид гуфт ман ин масаларо рафта аз устодам мепурсам, баъдан он шахс аз ман пурсид, ки ман хам каму беш аз шариат бохабар хастам, ман гуфтам, ки боке надорад, агар телефонашро дар ин сурат хомуш кунад ё акалан як тугмачаашро зер кунад, ки сабаби халали дигарон нашавад, оё ин чавоби ман дуруст буд?

Ва алайкумус салому ва раҳматуллоҳ.

 Бале бародари исломӣ ҷавоби шумо дуруст аст, аммо ба шарте, ки ҳамин амалро дар намоз як ё ду бор такрор кунад. Локин агар рафту аз ду бор зиёд такрор кунад дар ин ҳолат амали касир мешавад, ки дар мазҳаби мо намозро фосид мекунад. Инчунин бояд бо як даст анҷом диҳад на ба ду даст. Бисёр хуб мешуд, ки намозгузорон қабл аз даромадан ба масҷид телефонҳои худро хомуш кунанд ва ё бесадо гузоранд. Худованд нигаҳбонатон.