asalomualekum va rahmatullohi va barakatu ustozi muhtaram ,XUDOVAN AZ SHUMO ROZI BOD .RABUNA YHFAZKUM VA YKRIMUKUM.SAVOLI MAN .KOSHA RANG KARDAN MISLI CHINDAGI ZARD MEKINI KOSHOE ZIETATI NAMETOBAN .BAZEHO MEGAN HAROMAE . INTIZORI JAVOBI SHUMO JAZAKALLOHUKHAERAN DOMULOI MUHTARAM . DARHAKI MO DUOKUNED

Ва алайкумус салому ва раҳматуллоҳ.

Хоҳари исломӣ модоме, ки қошро начинад ранг кардани он боке надорад. Фақат чиданаш гуноҳ аст. Дар паноҳи Аллоҳ бошед.

Ассалом домулои мухтарам! Оё дар вакти бенамоз будан гирифтани Руза ва Намоз гунох аст.?

Ва алайкумус салом ва раҳматуллоҳ.

Дар ҳолати ҳайз ё нифос набояд зан намоз бихонад. Инчунин набояд руза бигирад. Зеро дар чунин ҳолат шариати ислом барои занҳо ҳам намоз ва ҳам рузаро манъ кардааст. Дар паноҳи Аллоҳ бошед.

Ассалом домулои мухтарам! Аввалан аз гунохони кардаи худ хеле пушаимонам ва 100-он мартаба тавба мекунам, лекин холо хам худро мисли фохиша мехисобам. Ман 32 -сола хастам, то 30 -солаги дасти марде ба дастам норасида буд, аммо марде паидо шуд аз худам 34 -сол бузургтар у маро дуст дошт , у аз оилааш чудо шуда буд, ман хам уро дуст доштам, аммо ба хотири модарам ва бародаронам бо у никох накардам, зеро модарам гуфтанд, обруи ман мерезад, зеро хама туро медонанд, ки то хозир пок гаштаи, агар ин марди 60 сола гирад хама ба ман наалат мекунанд. ба хотири модарам рози шудам никох накунам, аммо азбаски баини мо мухаббат буд, у маро чанд маротиба ба огуш кашид ва бусахо кард, аммо баини мо зино нашудааст. ба хотири он ки ба зино наравам ба давлати хоричи омадам, инак 1 сол мешавад ман уро надидаам, аммо бо каси дигар издивоч кардан намехохам, зеро медонам рузе у аз ман мепурсад, ки ба ту касе даст расондааст?-аммо ман дар чавоб дуруг хохам гуфт. Аввал аз дуруг гуфтан ба шавхари ояндаам метарсам. Ман агар шарм хам шавад мегуям ки душиза хастам, аммо агар шавхари ояндаам пурсаду ман росташро гуям бо ман зиндаги нахохад кард!!! Илтимос ба ман чавоб гардонед, оё ман ба шавхари ояндаам росташро гуям ё дуруг гуям??

Ва алайкумус салом ва раҳматуллоҳ.

Хоҳари исломӣ, агар ба шумо ҳамон нафар маъқул бошад, метавонед бо никоҳи он кас розигӣ диҳед. Агар барои шумо робита бо хонадонатон муҳим бошад, шояд Худованд барои шумо нафари дигареро муйяссар бигардонад, ки бо вай издивоҷ кунед. Аммо он чизе, ки байни шумо ва он мард шудааст, чуноне, ки худатон гуфтед, албатта ин гуноҳи кабира аст. Вале агар вақте шавҳари ояндаатон мабодо пурсад, ки дастат ба дасти касе расидааст ва…. шумо бояд чунин фикрҳоро накунед. Аслан ба чунин саволҳо агар рафту шавад, шумо ҷавоб надиҳед. Агар душиза бошед ва то имруз ба зинои вазнин нарафта бошед, хуб дигар шавҳаратон худаш дида қаноат мекунад. Иншоаллоҳ хеҷ гуна гумони бад нисбат ба шумо намекунад. Натарсида ба шавҳар бароед, иншоаллоҳ зиндагии хубе мекунед.

салом алайкум домулои азиз ман чанд савол дорам илтимос чавоб дихед.

1 хамин номи ман Исломи хаст Давлатчон  ? 

2 дар хакки оилаи мо дуо кунед дар хонаамон хамамон намоз худора шукр намоз мехонан лекин хохарому апам сатри исломиро ба чо намеоранд вакте ки ман онхоро мегуям ки сатр кун мегуян кори худата кун ман газабнок мешавам онхоро мезанам вале модарам мегуяд ки ба духтархои ман кордор нашав вакте ки зан гирифти занатро чизи мегуи гуй !

домулои азиз тезтар саволи манро чавоб дихед. сокини ш. Душанбе  дар хакки ман ва дар хакки оилаи мо дои хайр кунед .Худо умри шумора дароз кунад дар рохи Ислом хизмат кунед.

Ва алайкумус салому ва раҳматуллоҳ.

  1) Номи шумо аз дидгоҳи ислом ҳечгуна мухолифат надорад. Шояд ба уммеди соҳибдавлат шуданатон ба шумо падару модаратон ин номро гузоштаанд.

2) Бародари азиз! Шумо хоҳаронатонро насиҳат кунед, илтимос кунед. Ба онҳо китобҳои оид ба ҳиҷоб аст бидиҳед. Аммо ба ҳеч ваҷҳ шумо ҳақ надоред, ки онҳоро бизанед. Шумо онҳоро ҳамчун бародари ғамхору дилсуз ҳамеша кушиш кунед бо суханҳои хуб даъват кунед, на бо латту куб.

дуруд бар Шумо домуллои мухтарам, камина бар шумо суоле дорам. Хангоми дар гусл будан ба кудаки синамак шир дихи чоиз аст? Илтимос ба саволи ман чавоб гардонед.

Ва алайкумус салому ва раҳматуллоҳ.

 Агар мақсадатон аз «ҳангоми дар ғусл будан» дар ҷанобат будан яъне баъд аз ҳамхобагӣ бошад, бале шир додани кудак ҷоиз аст. Фақат беҳатараш ин, ки аввал мустаҳаб карда пистонро шуста шавад ва сипас кудакро шир дода шавад.

Ассалому алекум бобои Эшон. Худованд дар панохи исмати худ нигахтон дорад, Хохишмандам ба саволхо чавоб гуед  Якум)  Кадом ояти куръон далолат ба харом будани дуруг аст?  Шахсе  занеро  дуруг мегуяд, ки ман дар хоб туро дидам, ки дар азоби дузах гирифтори.  Он зан аз тарси ин сатр  ба сар мегирад.  Ин мард  дуруг гуфт аммо ба сабаби дуруг яке аз фарзхои худованд ба чо омад. Хукми ин дуруггу чсит?

Ва алайкумус салом ва раҳматуллоҳ.

"إن الله لا يهدى من هو مسرف كذاب"

«Ҳамоно Худованд шахси исрофкори дуруѓгуро ҳаргиз ҳидоят намекунад» сураи «Ѓофир»

Он шахс барои дуруѓи гуфтааш гунаҳкор шудааст. Эҳтиёҷ надорад, ки бо роҳи дуруѓ мардумро ташвиқ ба ислом кард. Аввал бояд аз роҳи насиҳату фаҳмондани шариат даъват кард. Сипас бояд ваъидҳои илоҳиро нисбат ба беҳиҷобӣ баён кард.

Agar zan ba shavhari hud hiyonat kunad va boz zindagiyashro davom dihad va farzand ba dunyo orad farzandash halolist yo ki haromi.In zan az gunohi hud pushaimon ast va 5 vakt namoz mehonad .oyo gunohash bahshida meshavad yo ne?

Ва алайкумус салом ва раҳматуллоҳ.

Ба шарте, ки воқеан ҳамон зан аз гуноҳаш пушаймон шуда бошад ва қасд кунад, ки дигар ҳаргиз ба гуноҳ бознамегардад, иншоаллоҳ умед аст, ки Худованд гуноҳи он занро бигузарад. Аммо  фарзанди он зан аз шавҳараш ҳисоб мешавад ва тибқи шаръ ҳалолӣ аст.

Eshoni muhtaram man az shumo chand savol doram

1)Agar zan 5 vakt namoz honad vale hijob napushad ravost?

2) Zan shavharro az dahon va padar hakorat kunad talok meshavad ?

3)Agar zan dar nikohi 1 mard boshad va bo digar mard hamhoba shavad nikohash bo shavharash harom meshavad?

Ва алайкумус салом ва раҳматуллоҳ.

1)  Барои панҷ вақт намоз хонданаш фарзи Худо аз гарданаш соқит мешавад, аммо  барои беҳиҷобӣ назди Худо ҷавоб хоҳад гуфт. Аммо агар ҳиҷобро инкор кунад ва гуяд, ки ҳиҷоб фарз нест, дар ин ҳолат намозу рузааш беҳуда аст ва у аз ислом берун шудааст.

2) Не, талоқ намешавад. Аммо гунаҳкори бузург мешавад. Баъзе аз олимони ислом дар ин замина гуфтаанд, ки дар даҳон ҳақорат кардан агар ба шарте, ки гуяндаи он ин амалашро ҳалол донад кофир мешавад. Зеро даҳон ҷоест, ки бо он номи Худоро мегиранд ва ояҳои Қуръонро мехонанд.

3)  Агар ҳамон зан зиноро ҳалол донад, дар ин ҳолат  никоҳаш бо шавҳараш бекор мешавад. Зеро вай дигар мусалмон нест. Аммо агар ҳалол надонад он зан гунаҳкор аст ва ҳукми вай фосиқ аст, вале никоҳаш бо шавҳараш ботил намешавад.

Ассалому алайкум. Ман интернет ва китобхо маколахои зиёд доир ба ислом, муносибати зан бо шавхар, мавкеи зан дар ислом ва г. хондам.

  Ман сохиби 2 фарзанд. Шавхарамро хеле дуст медорам. Шавхари ман инсони хуб аст. Лекин шароб менушад, хурокихое ки гушти хук дорад мехурад. Намоз намехонад. Бо сатрпушии занон зид аст. Лекин у худро мусалмон хисоб мекунад. У мегуяд ки ба худо бовар дораду дилаш соф аст. Вакте ки ман бо у дар масъалаи ислом  сухбат мекунем, окибати бо гапхои пасту баланд тамом мешавад. У мегуяд ки гури ман алохидаю гури ту алохида ба ман кордор нашав, ту ки шуди, ки маро тарбия мекуни. Рузхое ки у хушёр аст, ман бо у муносибати хуб мекунам. Лекин хамин ки шароб нушид, ман ба  у гапхои пасту баланд мезанам, ки наз руи ислом мумкин нест. Ман ба наздики намозхониро сар кардам, лекин либосхои аврупои пушида мепушам. Худованд маро мебахшида бошад? Чи кор кунам ки акидаи шавхарам дигар шавад? Ман мехохам аз руи коидаи мусулмони зиндаги кунам. Бо шавхарам чудо шудан намехохам. Ман ва фарзандонам уро дуст медорем. Чи маслихат медихед?

Ва алайкумус салом ва раҳматуллоҳ.

Хоҳари исломӣ, шумо баён кардед, ки шавҳаратон инсони хуб аст ва худро мусалмон меҳисобад. Одами мусалмон ва инсони хуб шароб наменушад, гушти хук намехурад ва бенамоз нест. Вақте, ки бо сатрпушӣ зид аст, ин ба маънои ошкоро бо Худо дар ҳолати ҷанг будан аст. Чигуна чунин шахс инсони хуб  ва мусалмон мешудааст? Мусалмонии чунин шахс дар гумон аст. Мусалмонӣ танҳо ба забон нест. Зеро маъноҳои оятҳои  Қуръон ба мо меомузад,ки имони беамал имон нест.

Хоҳарам шумо худатон кушиш кунед, ки мунофиқ нашавед. Модоме, ки намоз мехонед ва ба Худо имон доред, бояд сатри исломиро риоя кунед. Зеро сатри исломӣ фарз аст. Бигузор либосхои шумо модели аврупоӣ бошад, локин муҳим ин, ки сатр бошад ва он ҷойҳоеро, ки Худованд бар занони мусалмон амр кардааст, ки бояд бипушонанд, сатр кунад. Шумо сатри исломиро риоя кунед ва ҳамеша дар тоати Худо бошед ва тавба аз гузаштаатон кунед, Худованд бахшандаву меҳрубон аст. Иншоаллоҳ гуноҳони шуморо мегузарад, ба шарте, ки дуввумбора бозгашти ба гуноҳ накунед. Шумо пурсидед, ки ба шумо маслиҳат диҳам. Ман ба шумо чи маслиҳат бидиҳам!? Ба фикри ман он никоҳе, ки байни шумо аст вай никоҳ нест. Модоме, ки шавҳаратон сатрро инкор мекунад, гушти хукро ҳалол гуфта мехурад, арақро ҳалол гуфта менушад ва ба фарз будани намоз бовар надошта бошад, пас никоҳ байни шумо  аслан вуҷуд надоштааст. Ин тарафашро дигар худатон медонед, хоҳари исломӣ. Худованд шавҳари шуморо ҳидоят кунад.

Ассалому аллайкум ва рахматуллох!

 Занхое,ки дар охират Бихишти мегардан дар холате,ки шавхаронашон Бихишти набошанд, пас онхо дар Бихишт бо ки зиндаги мекунанд?

Ва алайкумус салом ва раҳматуллоҳ.

Худованд онҳоро дар охират бо мардоне, ки биҳиштӣ ҳастанд, издивоҷ мекунонад.

Ассалому алайкум, Устоди азиз! Зане дар холати газаб ба шавхараш гуфт, ки агар Худо маро дуст медошт, маро насиби ту намекард. Вале баъд аз каме аз гуфтаи худ пушаймон шуд. Ин суханро гуфтан хукми куфр аст ё танхо гунахкор мешавад? Зан мусалмон ва намозгузор аст.

Ва алайкумуссалом ва раҳматуллоҳ

Бале бо гуфтани ин сухан кофир нашудааст. Пушаймон шуданаш нишонаи мусалмониаш ва имондориаш мебошад. Тавба кунад иншо аллоҳ Худованд бахшандаву меҳрубон аст.

Ассаламу алайкум устоди гироми Хочи Акбари  Турачонзода. Худован Шуморо ва ахли хонаводатонро нигахбон бошад. Як саволе дорам, оилаи ман хомиладор аст, азбаски шиштану хестан дар вакти намоз душвори мекашад намозашро нишаста мехонад ва дар чои сачдагохаш болишт мемонад. Оё намозаш дуруст мешавад? илтимос ба саволам харчи задтар посух дихед. ман ин саволро бори 2юм мефиристам.

Ва алайкумуссалом ва раҳматуллоҳ

Бале ҳамсари ҳомиладори шумо метавонад намозашро нишаста бихонад. Вале дар ҷои саҷдагоҳаш болишт нагузорад. Худованд таваллуди фарзанди шуморо осон гардонад ва онро барои шумо фарзанди солиҳ ва номбародори оила гардонад. Омин

Ассаломуалайкм варахматуллох. Аллох Шумо ва шумобарин шахсони гамхори  ИСЛОМРО  аз душманхоятон нигох дорад!

 Пешниход аз номи як гурух хохарони исломии шумо. Мо занхо ва духтархои мусалмони Точикистон  мехохем, ки  дар шиносномахоямон ё, ки дар ягон хуччатхои лозима бо "САТРИ" АЛЛОХ  фармуда  расм гирем,  мутасифона коргарони шиносномадихи ин расмхои моро медарронанд, аз шумо хохиш дорем, ки барои мо барин хохони ичро намудани конуни Курониро, мизе ташкил кунед, ки моро химоя кунанд, ва нагузоранд, ки  хукуки мо поймол шавад! Аз шумо ин имкониятро интизорем.

Ва алайкумуссалом ва раҳматуллоҳи ва баракотуҳ

Хоҳари гироми сатри аврат (ҳиҷоби исломи) барои ҳар як зану духтари мусалмон фарз аст аз ин ру дар ҳеҷ ҳолат ба шумо ҷоиз нест, ки сари худро ба раҳна карда сурат гиред. Аз он ки масулини шиносномадиҳи расмҳои ҳиҷобдори шуморо медаронанд дар рузи қиёмат барои ин ҷинояташон дар назди Худо ҳатман ҷазои дарднок хоҳанд кашид.

Акнун чи бояд кард,  ин ҳукуматдорон сухани моро гуш намекунанд, роҳи ягонааш шумо низ мисли хоҳарони мусалмони тотор дар русия тамоми зинаҳои судиро гузаштанд билахара бо қарори  суди оли ба онҳо иҷозат додашуд, ки дар паспорт сурати ҳиҷоб дорашон монда шавад. Шумо низ ба онҳо пайрави намуда як гуруҳ шавед бо ёрдами як  адвакати  Худотарс  барои  ҳалли  ин  масала  ба суд мурочиъат  намойед,  аввал ба суди раён  бад  ба  суди  шаҳри бад ба вилояти бад азон ба суди оли. Агар ҳамаи инҳо масаларо ҳал накард шумо ба суди  байналмилали муроҷиъат намойед  ҳамеша дар  матбуъот дари  масала  як чиза нависед шояд ин мансабдорони  Худо нотарс  аз ин  амалашон   хиҷолат кашанду  аз ин амали  зишташон  даст  кашанд.  Худо  ба шумо сабру мувафақият насиб кунад

Ассалому аълайкум ва рахматуллохи ва барокатух

 Занеро шавхараш аракнуш аст, ин зан бо шавхараш муносибати хуб дорад, то хамон вакте, ки шавхараш арак нанушида бошад, аммо вакте, ки шавхараш арак менушад ин зан шавхарашро гапхои баланд мезанад оё ин зан аз назари ислом гунахгор аст?

Ва алайкумуссалом ва раҳматуллоҳ

Фақат бахотири насиҳат ва сарзаниш ва таъдиб ин хоҳари мусулмон шавҳарашро дар ҳолати мастиаш суханҳои дуруштар гуяд гунаҳгор намешавад. Балки савоб мегирад зеро ҳар як мусулмон хоҳ мард бошад хаҳ зан тибқи таълимоти қуръонӣ бояд наҳй аз мункар кунад.